തിരുവനന്തപുരം > സംസ്ഥാനത്ത് കോവിഡിന്റെ പശ്ചാത്തലത്തിൽ പ്രഖ്യാപിച്ച വര്ക്ക് ഫ്രം ഹോം സംവിധാനം അവസാനിപ്പിച്ചു. കോവിഡ് വ്യാപനം കുറഞ്ഞ സാഹചര്യത്തിലാണ് ഇളവുകള് പിന്വലിക്കാനുള്ള തീരുമാനം. ഉദ്യോഗസ്ഥരുടെ വര്ക്ക് ഫ്രം ഹോം സൗകര്യം റദ്ദാക്കിക്കൊണ്ട് സര്ക്കാര് ഉത്തരവിറക്കി.
സര്ക്കാര് ജീവനക്കാര്ക്ക് പുറമെ സ്വകാര്യ മേഖലകളിലെ ജീവനക്കാര്ക്കും ഇത് ബാധകമാണ്. ബുധനാഴ്ച മുതല് ഉത്തരവ് പ്രാബല്യത്തില് വന്നു. ഭിന്നശേഷി വിഭാഗങ്ങള്, മുലയൂട്ടുന്ന അമ്മമാര്, രോഗബാധിതര് എന്നീ വിഭാഗങ്ങള്ക്കായിരുന്നു കോവിഡ് മൂന്നാം തരംഗത്തിന്റെ പശ്ചാത്തലത്തിൽ വര്ക്ക് ഫ്രം ഹോം ഏര്പ്പെടുത്തിയിരുന്നത്.
