ആലപ്പുഴ> ആലപ്പുഴയില് കാറുകള് തമ്മില് കൂട്ടിയിടിച്ച് പൊലീസ് ഉദ്യോഗസ്ഥനുള്പ്പടെയുള്ളവര്ക്ക് പരിക്ക്. പൂച്ചാക്കല് സിഐ അജയ് മോഹനടക്കമുള്ളവര്ക്കാണ് പരിക്കേറ്റത്. വളവനാട് കലവൂര് കൊച്ചുപള്ളിക്ക് സമീപമാണ് അപകടം നടന്നത്.
എറണാകുളം ഭാഗത്തേക്ക് വന്ന കാറും ആലപ്പുഴയില് നിന്നും മടങ്ങി വന്ന സ്വിഫ്റ്റ് കാറുമാണ് കൂട്ടിയിടിച്ചത്. സ്വിഫ്റ്റ് കാറിലാണ് സിഐ ഉണ്ടായിരുന്നത്.
അദ്ദേഹത്തിന് കാര്യമായ പരിക്കുണ്ടെന്നാണ് വിവരം. കൂട്ടിയിടിച്ച കാറില് ഉണ്ടായിരുന്നവരെയും ആശുപത്രിയിലേക്കു മാറ്റി. ഇവരുടെ ആരോഗ്യത്തെ സംബന്ധിച്ച കൂടുതല് വിവരങ്ങള് ലഭ്യമല്ല.
