നാലാമത് പ്രേംനസിര് ചലച്ചിത്ര അവാര്ഡുകള് തിരുവനന്തപുരത്ത് പ്രഖ്യാപിച്ചു. സംസ് പ്രൊഡക്ഷന് നിര്മിച്ച ഉരു സിനിമക്ക് മൂന്നു അവാര്ഡുകള് ലഭിച്ചു . ജൂറി ചെയര്മാന് പ്രമോദ് പയ്യന്നൂര്, ജൂറി മെമ്പര്മാരായ ടി എസ്. സുരേഷ് ബാബു, കലാമണ്ഡലം വിമലാ മേനോന്, തെക്കന് സ്റ്റാര് ബാദുഷ, പനച്ചമൂട് ഷാജഹാന് എന്നിവര് തിരുവനന്തപുരം പ്രസ്സ് ക്ലബ്ബില് നടന്ന വാര്ത്താ സമ്മേളനത്തിലാണ് അവാര്ഡുകള് പ്രഖ്യാപിച്ചത്.
ഉരു സംവിധായകന് ഇ എം അഷ്റഫ് , മികച്ച സാമൂഹ്യ പ്രതിബദ്ധതയ്ക്കുള്ള പുരസ്കാരം നിര്മാതാവ് മന്സൂര് പള്ളൂര്, ചിത്രത്തിലെ ‘കണ്ണീര് കടലില്’എന്ന ഗാനത്തിന് മികച്ച ഗാനരചയിതാവ് പ്രഭാവര്മ എന്നിവര്ക്കാണ് പുരസ്കാരം ലഭിച്ചത് .ബേപ്പൂരിലെ ഉരു നിര്മാണ തൊഴിലുമായി ബന്ധപ്പെട്ട സിനിമ ഇതുവരെ ആരും സ്പര്ശിക്കാത്ത വിഷയമാണെന്ന് നാടക ചലച്ചിത്ര സംവിധായകന് പ്രമോദ് പയ്യന്നൂര് ചെയര്മാനായ ജൂറി കമ്മിറ്റി വിലയിരുത്തി.
.jpg)
ഇ എം അഷ്റഫ്
ഉരുവിന്റെ കഥ തിരക്കഥ സംഭാഷണം സംവിധാനം എന്നിവ മാധ്യമ പ്രവര്ത്തകനും എഴുത്തുകാരനുമായ ഇ എം അഷ്റഫാണ്. മാമുക്കോയ മൂത്താശാരിയായി അഭിനയിക്കുന്ന ചിത്രത്തില് മഞ്ജു പത്രോസ് ,മനോജ് അനില് ബേബി അജയ് കല്ലായി അര്ജുന് എന്നിവര് അഭിനയിക്കുന്നു .എ സാബു, സുബിന് എടപ്പാകാത്ത എന്നിവര് സഹ നിര്മാതാക്കളാണ്
