ക്വലാലംപുർ: പറക്കുന്ന വിമാനത്തിൽ പെട്ടെന്നൊരു പാമ്പിനെ കണ്ടാൽ എന്തുചെയ്യും? ഞെട്ടുമെന്ന് മാത്രമല്ല, ഭയചകിതരായി ബോധക്ഷയം പോലും സംഭവിച്ചേക്കാം ചിലർക്ക്; പ്രത്യേകിച്ച് സ്നേക്സ് ഓൺ എ പ്ലെയ്ൻ പോലുള്ള ഹോളിവുഡ് സിനിമകൾ കണ്ടിട്ടുള്ളവർക്ക്! സിനിമയെ അനുസ്മരിപ്പിക്കുന്ന സംഭവമാണ് കഴിഞ്ഞ ദിവസം എയർ ഏഷ്യ വിമാനത്തിലുണ്ടായത്.
മലേഷ്യയിലെ ക്വലാലംപുരിൽനിന്ന് തവൗവിലേക്കുള്ള വിമാനത്തിലാണ് കഴിഞ്ഞ വ്യാഴാഴ്ച പാമ്പിനെ കണ്ടെത്തിയത്. വിമാനത്തിനുള്ളിലെ പാമ്പിന്റെ ദൃശ്യങ്ങൾ യാത്രക്കാർ പകർത്തുകയും സാമൂഹ്യമാധ്യമങ്ങളിൽ ഇത് പ്രചരിക്കുകയും ചെയ്തിട്ടുണ്ട്. വിമാനത്തിൽ മുകൾഭാഗത്ത് ലഗ്ഗേജുകൾ വെക്കുന്നതിന് ഉള്ളിലായിരുന്നു പാമ്പ്. സുതാര്യമായ ഒരു ഭാഗത്തുകൂടിയാണ് ഉള്ളിലുള്ള പാമ്പിനെ യാത്രക്കാർ കണ്ടത്.
വിമാനത്തിൽ പാമ്പുണ്ടെന്നറിഞ്ഞ് യാത്രക്കാർ പരിഭ്രാന്തരായി. അടിയന്തര സാഹചര്യം പരിഗണിച്ച് പൈലറ്റ് വിമാനം വഴിതിരിച്ചുവിടുകയും കുച്ചിങ് വിമാനത്താവളത്തിൽ ഇറക്കുകയും ചെയ്തു. തുടർന്ന് ഇവിടെവെച്ച് ജീവനക്കാർ വിമാനം പരിശോധിക്കുകയും പാമ്പിനെ പിടികൂടുകയും ചെയ്തു. അതിനുശേഷം വിമാനം തവൗവിലേക്കുള്ള യാത്ര തുടർന്നു. യാത്രക്കാരിൽ ആർക്കും പാമ്പ് മൂലം അപായമൊന്നും സംഭവിച്ചിട്ടില്ലെന്ന് അധികൃതർ വ്യക്തമാക്കി.
പാമ്പ് എങ്ങനെയാണ് വിമാനത്തിൽ കയറിക്കൂടിയതെന്ന് വ്യക്തമല്ല. ബാഗുകളിൽ കയറിപ്പറ്റിയ പാമ്പ് വിമാനത്തിനുള്ളിൽ എത്തിയതാകാമെന്നാണ് നിഗമനം. എന്നാൽ യാത്രക്കാരിൽ ആരെങ്കിലും രഹസ്യമായി ബാഗിനുള്ളിൽ ഒളിപ്പിച്ച് പാമ്പിനെ കടത്താൻ ശ്രമിച്ചതാകാമെന്ന് അഭിപ്രായപ്പെടുന്നവരുമുണ്ട്. ഏതായാലും, പുറത്തുവന്നിരിക്കുന്ന പാമ്പിന്റെ വീഡിയോ ദൃശ്യങ്ങൾ സാമൂഹ്യമാധ്യമങ്ങളിൽ വലിയ തോതിൽ പ്രചരിക്കുന്നുണ്ട്.
Yikes!
Snake on a plane!
Either an escaped pet from passenger carry on/luggage or possibly climbed its way into the aircraft from the ground.
Air Asia Airbus A320-200,Kuala Lumpur to Tawau.
This dude happily stayed inside the illuminated area till plane was diverted😂 pic.twitter.com/jqopi3Ofvp
— Hana Mohsin Khan | هناء (@girlpilot_) February 12, 2022
Content Highlights:Passengers Spotted A Snake Inside An AirAsia Flight
