കാസിം ഇരിക്കൂര്-അബ്ദുൾ വഹാബ് ത‍ര്‍ക്കത്തിന് അവസാനം കുറിക്കാനാണ് ഐഎൻഎൽ ദേശീയ നേതൃത്വം ശ്രമിക്കുന്നത്. കാസിം ഇരിക്കൂറിനെ പിന്തുണയ്ക്കുന്ന നിലപാടാണ് ദേശീയ നേതൃത്വം സ്വീകരിച്ചിരിക്കുന്നത്. അബ്ദുൾ വഹാബിനേയും അദ്ദേഹത്തെ പിന്തുണയ്ക്കുന്നവരേയും മാറ്റി നി‍ര്‍ത്താനാണ് ദേശീയ നേതൃത്വത്തിന്റെ തീരുമാനം.
Also Read:
സംസ്ഥാന കമ്മിറ്റി പിരിച്ചുവിടാനുള്ള ദേശീയ എക്സിക്യൂട്ടീവ് യോഗത്തിൽ എ പി അബ്ദുൾ വഹാബ് പങ്കെടുത്തില്ല. അറിയിക്കാനുള്ള കാര്യങ്ങൾ ദേശീയ പ്രസിഡന്റിനെ അറിയിച്ചിട്ടുണ്ടെന്ന് അബ്ദുൾ വഹാബ് പറഞ്ഞു.
നേരത്തെ പാ‍ര്‍ട്ടി പിളര്‍ന്നതിനു ശേഷം യോജിച്ചെങ്കിലും ഇരു പക്ഷവും തങ്ങളുന്നയിച്ച പ്രശ്നങ്ങളിൽ തര്‍ക്കം തുടരുകയായിരുന്നുവെന്നാണ് ഏഷ്യാനെറ്റ് റിപ്പോര്‍ട്ട് ചെയ്യുന്നത്. എൽഡിഎഫ് നൽകിയ കോര്‍പ്പറേഷൻ ബോര്‍ഡ് സ്ഥാനങ്ങൾ പങ്കിടുന്നതിൽ അടക്കം തര്‍ക്കം നിലനിന്നു. ഇനിയും യോജിച്ചു പോകാൻ സാധിക്കില്ലെന്നാണ് കാസിം ഇരിക്കൂര് വ്യക്തമാക്കിയത്.
Also Read:
സംസ്ഥാന കൗൺസിൽ പിരിച്ചുവിടാൻ ഇന്ന് ഓൺലൈനായി ചേര്‍ന്ന ദേശീയ നിര്‍വാഹക സമിതി യോഗത്തിന്റേതാണ് തീരുമാനം. പാര്‍ട്ടിയുടെ ഭരണഘടനാപരമായ ഉത്തരവാദിത്വം നിറവേറ്റാൻ സംസ്ഥാന കൗൺസിൽ വീഴ്ച വരുത്തിയെന്നാണ് ദേശീയ നേതൃത്വത്തിന്റെ കണ്ടെത്തൽ.
2022 മാര്‍ച്ച് 31 ന് മുമ്പായി പുതിയ സംസ്ഥാന വര്‍ക്കിങ് കമ്മിറ്റി ചുമതലയേൽക്കുന്ന വിധം അംഗത്വ കാമ്പെയിനും സംഘടനാ തെരഞ്ഞെടുപ്പും പൂ‍ര്‍ത്തിയാക്കുന്നതിനാണ് ഏഴ് അംഗ അ‍ഡ്ഹോക്ക് കമ്മിറ്റിയെ ചുമതലപ്പെടുത്തിയത്.
