ബംഗളൂരു > ലേലം നിയന്ത്രിച്ചിരുന്ന ഹ്യൂ എഡ്മിഡ്സ് കുഴഞ്ഞുവീണതിനെ തുടർന്ന് ഐപിഎൽ താരലേലം നിർത്തിവച്ചു. ശ്രീലങ്കൻ ഓൾറൗണ്ടർ വാനിന്ദു ഹസാരങ്കയ്ക്കായുള്ള ലേലം പുരോഗമിക്കുന്നതിനിടെ എഡ്മിഡ്സ് വേദിയിൽ കുഴഞ്ഞുവീഴുകയായിരുന്നു.
അദ്ദേഹത്തിന്റെ ആരോഗ്യനില തൃപ്തികരമാണെന്നും ഉച്ചഭക്ഷണത്തിനായി പിരിയുന്നതായും ലേല നടപടികൾ 3.30 ഓടെ പുനരാരംഭിക്കുമെന്നും ബിസിസിഐ അധികൃതർ അറിയിച്ചു. ചാരു ശർമ്മയായിരിക്കും തുടർന്ന് ലേലം നിയന്ത്രിക്കുക. ജെയിംസ് ബോണ്ട് സിനിമകളിൽ ഉപയോഗിക്കുന്ന ആസ്റ്റൺ മാർട്ടിൻ കാറുകളുടേതടക്കം 2700 ൽ അധികം ലേലങ്ങൾ നിയന്ത്രിച്ചിട്ടുള്ള അവതാരകനാണ് ഹ്യൂ എഡ്മിഡ്സ്.
