കോട്ടയം > ബൈക്ക് റോഡിൽ തെന്നിവീണ് കോട്ടയം ജവീൻസ് റോയൽ എൻഫീൽഡ് ഷോറും ഉടമയും അറിയപ്പെടുന്ന മോട്ടോർ റാലി താരവുമായ ചാലുകുന്ന് മണപ്പുറത്ത് വീട്ടിൽ ജവീൻ മാത്യു (52)അന്തരിച്ചു. അദ്ദേഹം സഞ്ചരിച്ച ബൈക്ക് കോട്ടയം യൂണിയൻ ക്ലബിന് സമീപം റോഡിൽ തെന്നി മറിയുകയായിരുന്നുവെന്ന് പൊലീസ് പറഞ്ഞു.
വ്യാഴം രാത്രി 11.30 ഓടെയായിരുന്നു അപകടം. ഉടൻ കോട്ടയം ജനറൽ ആശുപത്രിയിൽ എത്തിച്ചെങ്കിലും മരിച്ചു. സംസ്കാരം ഞായർ പകൽ ഒന്നിന് ചാലുകുന്ന് ഹോളി ട്രിനിറ്റി സിഎസ്ഐ പള്ളിയിൽ. കോവിഡ് പോസിറ്റീവായതിനാൽ കോവിഡ് മാനദണ്ഡം പാലിച്ചാകും സംസ്കാരം.
കോട്ടയം നഗരസഭാ മുൻ കൗൺസിലറായിരുന്നു. ഏറ്റവും കടുപ്പമേറിയ റെയ്ഡ് ദി ഹിമാലയ, പോപ്പുലർ റാലി, റോയൽ എൻഫീൽഡ് ട്രിപ് അടക്കം നിരവധി മോട്ടോർ റാലികളിൽ പങ്കെടുത്ത ജവീൻ ശ്രദ്ധേയ വിജയം നേടിയിട്ടുണ്ട്. വിന്റേജ് വാഹനങ്ങളുടെ ശേഖരം സൂക്ഷിക്കുന്ന ഇദ്ദേഹം സാഹസിക വാഹനയാത്ര ഏറെ ഇഷ്ടപ്പെട്ടിരുന്നു.
സിഎസ്ഐ സഭാ കൗൺസിൽ അംഗവും വൈഎംസിഎ വൈസ്പ്രസിഡന്റും കോട്ടയം ജീപ്പേഴ്സ് ക്ലബ് മുൻ സെക്രട്ടറിയുമായിരുന്നു. ഭാര്യ: അനു ജവീൻ. മക്കൾ: കർമ, കാമറിൻ, കേരൾ .
