കൊച്ചി > ശ്വേതാമേനോനെ നായികയാക്കി വൈറ്റല് പ്രൊഡക്ഷന്സിന്റെ ബാനറില് ജെ കെ നായര് നിര്മിച്ച് ഋഷിപ്രസാദ് രചനയും സംവിധാനവും നിര്വ്വഹിക്കുന്ന ‘ മാതംഗി ‘ യിലെ ഗാനങ്ങളുടെ ഓഡിയോ പ്രകാശനം ചെയ്തു.
സംഗീതരത്നം കാഞ്ഞങ്ങാട് രാമചന്ദ്രനാണ് പ്രകാശനകര്മം നിര്വ്വഹിച്ചത്
ഋഷിപ്രസാദ് രചിച്ച വരികള്ക്ക് ഈണം പകര്ന്നിരിക്കുന്നത് സോമസുന്ദരമാണ്. കെ.എസ്.ചിത്ര, സുജാതമോഹന് , രൂപേഷ് എന്നിവരാണ് ഗാനങ്ങള് ആലപിച്ചിരിക്കുന്നത്.
ശ്വേതാമേനോന് , വിഹാന്, റിയാസ്ഖാന് , കോട്ടയം പ്രദീപ്, കുളപ്പുള്ളി ലീല , സുനിത ധന്രാജ്, രശ്മി , പ്രിയങ്ക, കെ പി സുരേഷ്കുമാര് , ഗീത മാടായിപ്പാറ, മുരളി വായാട്ട് എന്നിവര് അഭിനയിക്കുന്നു. രചന , സംവിധാനം – ഋഷിപ്രസാദ്, എക്സിക്യൂട്ടീവ് പ്രൊഡ്യൂസര് – സി.പി കൃഷ്ണദാസ്, ഛായാഗ്രഹണം – ഉത്പല് വി നായനാര്, ആക്ഷന് -അഷ്റഫ് ഗുരുക്കള്, പ്രൊഡക്ഷന് കണ്ട്രോളര് – അരവിന്ദന് കണ്ണൂര്, പി ആര് ഓ -അജയ് തുണ്ടത്തില്. തമിഴിലേക്കും തെലുങ്കിലേക്കും മൊഴിമാറ്റം നടത്തുന്ന ചിത്രത്തില് നിര്ണ്ണായകഘട്ടത്തില് തമിഴിലെ രണ്ട് പ്രശസ്ത താരങ്ങള് അതിഥി വേഷത്തിലെത്തുന്നുണ്ട്.
