കൊച്ചി> എറണാകുളം കളമശ്ശേരിയിൽ വൻ തീപിടിത്തം. കിൻഫ്ര വ്യവസായ പാർക്കിനകത്ത് പ്രവർത്തിക്കുന്ന സുഗന്ധ ദ്രവ്യങ്ങൾ നിർമിക്കുന്ന കമ്പനിയാണ് ഗ്രീൻ ലീഫ് കമ്പനിയിലാണ് രാവിലെ 6.30 ഓടെ തിപിടിത്തമുണ്ടായത്. കൊച്ചി നഗരത്തിലെ വിവിധ യൂണിറ്റ് ഫയർഫോഴ്സുകൾ ചേർന്ന് തീയണക്കാൻ ശ്രമിക്കുകയാണ്. സംഭവത്തിൽ ആളപായമില്ലെന്നാണ് റിപ്പോർട്ട്. തീപിടുത്തം ഉണ്ടാവുമ്പോൾ ഇവിടെ ജോലിക്കാരുണ്ടായിരുന്നു എങ്കിലും ഇവരെയൊക്കെ സുരക്ഷിതമായി മാറ്റി.
ഗ്രീൻ ലീഫ് കമ്പനിക്കടുത്ത് നിരവധി കമ്പനികൾ പ്രവർത്തിക്കുന്നുണ്ട്. അതിനാൽ തീപടരാനുള്ള സാധ്യത കൂടുതലാണ്. സുഗന്ധദ്രവ്യങ്ങൾ ഉണ്ടാകുന്നതിനുള്ള രാസവസ്തുക്കൾ കമ്പനിയിൽ സൂക്ഷിച്ചിരിക്കുന്നതിനാൽ തീപടരാൻ സാധ്യതയുണ്ട്.
