കരസേനാ സൈന്യം ബാബുവിനു തൊട്ടടുത്തെത്തിയെന്നും ബാബുവുമായി സംസാരിച്ചെന്നും ഏഷ്യാനെറ്റ് ന്യൂസ് റിപ്പോര്ട്ട് ചെയ്തു. ബാബു വെള്ളം ചോദിച്ചെന്നും ഉടൻ തന്നെ വെള്ളം നൽകാമെന്ന് ഉദ്യോഗസ്ഥര് മറുപടി നല്കിയതായും റിപ്പോര്ട്ടിൽ വ്യക്തമാക്കുന്നു. അടിയന്തര സഹായം എത്തിച്ച ശേഷം യുവാവിനെ പുലര്ച്ചെയോടെ താഴെയിറക്കാനാണ് പദ്ധതി.
മലയാളിയായ ലഫ്റ്റനൻ്റ് കേണൽ ഹേമന്ദ് രാജിൻ്റെ നേതൃത്വത്തിലുള്ള സംഘമാണ് രക്ഷാപ്രവർത്തനം നടത്തുന്നത്. കരസേനയുടെ രണ്ട് സംഘങ്ങളാണ് മലമുകളിലുള്ളത്. എവറസ്റ്റ് കീഴടക്കിയ പർവതാരോഹകർ അടക്കമുള്ളവർ സംഘത്തിലുണ്ട്. ബാബുവിൻ്റെ ആരോഗ്യനില തൃപ്തികരമാണെന്നാണ് രക്ഷാപ്രവർത്തകർ അറിയിക്കുന്നത്.
Also Read:
ബാബുവിൻ്റെ ആരോഗ്യനില തൃപ്തികരമാണെന്നാണ് രക്ഷാപ്രവര്ത്തകരിൽ ഒരാള് മനോരമ ന്യൂസിനോടു പ്രതികരിച്ചത്. സ്ഥലത്ത് പോലീസും ഫയര് ഫോഴ്സും നാട്ടുകാരും അടക്കം വലിയ സംഘം തമ്പടിച്ചിട്ടുണ്ട്. പുലര്ച്ചെ വെളിച്ചം വീണാൽ ഉടൻ തന്നെ രക്ഷാപ്രവര്ത്തനം ആരംഭിക്കാനാണ് നീക്കം. യുവാവിനെ രക്ഷിച്ചു താഴെയെത്തിച്ചാൽ ഉടൻ തന്നെ അടിയന്തര വൈദ്യസഹായം നൽകാനായി ഡോക്ടര്മാരുടെ സംഘവും മലയുടെ താഴെ കാത്തു നിൽക്കുന്നുണ്ട്.
Also Read:
സൈന്യത്തിനു പുറമെ ദേശീയ ദുരന്ത നിവാരണസേനയുടെ മൂന്നാമത്തെ സംഘവും മലമുകളിലേയ്ക്ക് പുറപ്പെട്ടിട്ടുണ്ട്. കേരളത്തിൻ്റെ ചരിത്രത്തിൽ ഇതാദ്യമായാണ് ഒരു വ്യക്തിയ്ക്കു വേണ്ടി ഇത്രയും വലിയ രക്ഷാദൗത്യം നടക്കുന്നത്.
