അതേസമയം ജില്ലകളിലെ നിയന്ത്രണങ്ങൾ തുടരും. ആലുവ ശിവരാത്രി, മാരാമൺ കൺവെൻഷൻ, ആറ്റുകാൽ പൊങ്കാല അടക്കമുള്ള പരിപാടികളിൽ കൊവിഡ് മാനദണ്ഡങ്ങൾ പാലിച്ച് കൂടുതൽ പേരെ പങ്കെടുപ്പിക്കുന്ന കാര്യം പരിഗണനയിലാണ്. വടക്കേ മലബാറിലെ ആഘോഷങ്ങൾ ഫെബ്രുവരിയിൽ നടക്കുന്നതിനാൽ കൂടുതൽ ഇളവുകൾ നൽകും. ഞായറാഴ്ച ഏര്‍പ്പെടുത്തിയിരുന്ന അധിക നിയന്ത്രണങ്ങള്‍ പിൻവലിച്ചു.
പോസ്റ്റ് കൊവിഡ് ക്ലിനിക്കുകൾ ആരംഭിച്ചു. ഇതിനു സംസ്ഥാന തലത്തിൽ നോഡൽ ഓഫീസർമാരെ ചുമതലപ്പെടുത്തി. ജില്ലാ ഡെപ്യൂട്ടി ഡിഎംഒ തലത്തിലും ചുമതല നൽകിയിട്ടുണ്ട്. മെഡിക്കൽ കോളേജിൽ അടക്കം കൊവിഡ് ജോലിക്ക് നിയോഗിക്കപ്പെട്ടവർ താമസിച്ച് എത്തുന്നതായി കണ്ടെത്തിയിട്ടുണ്ട്. ഇത് ഗൗരവത്തോടെ പരിഗണിക്കണം.
ചില സ്വകാര്യ ആശുപത്രികളിൽ മോണോക്ലോണൽ ആന്റിബോഡി ചികിത്സ അനാവശ്യമായി ചെയ്യുന്നതായി കണ്ടെത്തിയിട്ടുണ്ട്. ഇക്കാര്യത്തിൽ നടപടി വേണമെന്ന് മുഖ്യമന്ത്രി കൊവിഡ് അവലോകന യോഗത്തിൽ ആരോഗ്യ വകുപ്പിനോട് ആവശ്യപ്പെട്ടു.
