കോഴിക്കോട്> നരിക്കുനിയിൽ നിരോധിത മയക്കുമരുന്നുമായി യുവാവ് അറസ്റ്റിൽ. ന്യൂ ജൻ മയക്കുമരുന്നായ എംഡിഎംഎ, എൽഎസ്ഡി സ്റ്റാമ്പ്, ഹഷീഷ് ഓയിൽ എന്നിവയുമായി ചേളന്നൂർ പുതിയെടത്തുതാഴം കിരൺ (24) ആണ് അറസ്റ്റിലായത്. കോഴിക്കോട് റൂറൽ എസ്പിയുടെ നിർദ്ദേശപ്രകാരം താമരശ്ശേരി ഡിവൈഎസ്പി അഷ്റഫ് തെങ്ങിലക്കണ്ടി, നാർകോടിക് സെൽ ഡിവൈഎസ്പി അശ്വകുമാർ എന്നിവരുടെ നേതൃത്വത്തിലുള്ള സംഘമാണ് യുവാവിനെ പിടികൂടിയത്.
ശനിയാഴ്ച പുലർച്ചെ നാലിമണിയോടെ നരിക്കുനി ബസ് സ്റ്റാൻഡിനടുത്ത് വെച്ചാണ് 11 എൽഎസ്ഡി സ്റ്റാമ്പുകളും ഒന്നര ഗ്രാം എംഡിഎംഎ, ഒന്നരമില്ലി ഗ്രാം ഹാഷിഷ് ഓയിൽ എന്നിവയുമായി കിരൺ പിടിയിലായത്. ഒരു കാറും പൊലീസ് പിടിച്ചെടുത്തു.
