കോഴിക്കോട്> കോഴിക്കോട് കൊയിലാണ്ടിയിൽ വാഹന പരിശോധനക്കിടയിൽ ഹാഷിഷ് ഓയിലുമായി യുവാവ് അറസ്റ്റിലായി. കൊയിലാണ്ടി കുറുവങ്ങാട് വല്ലത്ത് ഹൗസിൽ (അൽ തൗഖ) കെ മുഹമ്മദ് ആരിഫിനെ (30) ആണ് പൊലീസ് അറസ്റ്റ് ചെയ്തത്. പെരുവട്ടൂർ ഇയ്യഞ്ചേരി മുക്കിൽ വെച്ചാണ് ആക്ടീവ സ്കൂട്ടറിൽ അറര ഗ്രാം ഹാഷിഷ് ഓയിലുമായി മുഹമ്മദ് ആരിഫിനെ പൊലീസ് പിടികൂടിയത്.
കൊയിലാണ്ടി സിഐ എൻ സുനിൽകുമാറിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ എസ്ഐ എം എൻ അനൂപ്, എ എസ്ഐ അഷറഫ്, സിപിഒമാരായ കെ സോജൻ, സിനു രാജ് തുടങ്ങിയവരുടെ നേതൃത്വത്തിൽ നടത്തിയ വാഹന പരിശോധനക്കിടെയാണ് യുവാവ് അറസ്റ്റിലായത്.
ചെറിയ മൂന്നു ബോട്ടിലുകളിലാണ് ഹാഷിഷ് ഉണ്ടായിരുന്നത്. ഇതിന്റെ ഉറവിടം കണ്ടെത്താനുള്ള ശ്രമത്തിലാണ് പൊലീസ്. പിന്നിൽ വൻ ലഹരി മാഫിയാ സംഘമുണ്ടെന്ന് സംശയിക്കുന്നുണ്ട്.
