തിരുവനന്തപുരം: മുൻ പ്രിൻസിപ്പൽ സെക്രട്ടറി എം ശിവശങ്കറെ കുറിച്ചുള്ള സ്വപ്ന സുരേഷിന്റെ വെളിപ്പെടുത്തലുകളിൽ പ്രതികരിച്ച് മുൻമന്ത്രി കെടി ജലീൽ. കാലം കുറച്ച് വൈകുമെങ്കിലും സത്യത്തിന് പുറത്ത് വരാതിരിക്കാൻ കഴിയില്ല. എല്ലാ ഗൂഢാലോചനകളും ഒരുനാൾ പൊളിയും. എന്റെ രക്തത്തിനായി ഓടിനടന്നവർക്ക് ദൈവം മാപ്പ് കൊടുക്കട്ടെ എന്ന് കെടി ജലീൽ ഫെയ്സ്ബുക്കിൽ പ്രതികരിച്ചു.
കെടി ജലീലിന്റെ ഫെയ്സ്ബുക്ക് പോസ്റ്റ്
സത്യമെപ്പോഴും തെളിച്ചത്തോടെ നിൽക്കും.
എന്തൊക്കെയായിരുന്നു പുകിൽ?
എന്റെ രക്തത്തിനായി ഓടിനടന്നവർക്ക് ദൈവം മാപ്പ് കൊടുക്കട്ടെ.
സത്യസന്ധമായി മാത്രമേ പ്രവർത്തിച്ചിട്ടുള്ളൂ. അത്കൊണ്ട് തന്നെ ഭയപ്പാട് ലവലേശമില്ല.
കാലം കുറച്ച് വൈകുമെങ്കിലും സത്യത്തിന് പുറത്ത് വരാതിരിക്കാൻ കഴിയില്ല. എല്ലാ ഗൂഢാലോചനകളും ഒരുനാൾ പൊളിയും. ഈശോ മിശിഹ മുകളിലുണ്ടല്ലോ?
പലപ്പോഴും സത്യം പുറത്ത് വരുമ്പോഴേക്ക് അസത്യം ഒരുപാട് യാത്ര ചെയ്ത് കഴിഞ്ഞിട്ടുണ്ടാകും!
കെടി ജലീലുമായി ഔദ്യോഗിക ബന്ധം മാത്രമാണുള്ളതെന്നായിരുന്നു കഴിഞ്ഞദിവസം മാധ്യമങ്ങൾക്ക് നൽകിയ അഭിമുഖത്തിൽ സ്വപ്ന സുരേഷ് പറഞ്ഞത്. കെടി ജലീലിന് യുഎഇ കോൺസുൽ ജനറലുമായി നേരിട്ടാണ് ബന്ധം. തനിക്ക് അതിൽ പങ്കില്ല. കെടി ജലീലുമായി തനിക്ക് ഔദ്യോഗിക ബന്ധമാണുള്ളതെന്നും സ്വപ്ന വ്യക്തമാക്കിയിരുന്നു.
Content Highlights : KT Jaleels Facebook Post after the revelations of Swapna Suresh
