മൂന്ന് വര്‍ഷമായി ശിവശങ്കര്‍ തന്നെ ജീവിതത്തിൻ്റെ ഭാഗമാണെന്നും അദ്ദേഹം തന്‍റെ പേഴ്സണൽ കംപാനിയൻ ആയിരുന്നുവെന്നും സ്വപ്ന സുരേഷ് പറഞ്ഞു. അനൗദ്യോഗിക കാര്യങ്ങള്‍ മാത്രമാണ് അദ്ദേഹവുമായി സംസാരിക്കാറുണ്ടായിരുന്നതെന്നും വിവിധ മാധ്യമങ്ങള്‍ക്ക് നല്‍കിയ അഭിമുഖത്തിൽ സ്വപ്ന സുരേഷ് പറഞ്ഞു. ശിവശങ്കര്‍ രചിച്ച ആത്മകഥയായ അശ്വദ്ധാത്മാവ് വെറുമൊരു ആന എന്ന പുസ്തകം പുറത്തിറങ്ങാനിരിക്കേയാണ് സ്വപ്ന രംഗത്തെത്തിയത്.
Also Read:
താൻ ആത്മകഥ എഴുതിയാൽ ശിവശങ്കറിനെപ്പറ്റി പലതും എഴുതേണ്ടി വരുമെന്ന് സ്വപ്ന സുരേഷ് വ്യക്തമാക്കി. ഒരുപാട് രഹസ്യങ്ങള്‍ വെളിച്ചത്തു വരും. സ്വപ്ന സുരേഷിന് സ്പേസ് പാര്‍ക്കിൽ ജോലി വാങ്ങി നൽകിയത് ശിവശങ്കറല്ലെന്ന പുസ്തകത്തിലെ വാദം സ്വപ്ന നിഷേധിച്ചു. തന്‍റെ നിയമനം ഒരു ഫോൺ വിളി കൊണ്ടാണ് നടന്നതെന്നും ഒരു അഭിമുഖം പോലുമില്ലാതെയാണ് തന്നെ നിയമിച്ചതെന്നും സ്വപ്ന വ്യക്തമാക്കി. തന്‍റെ ജീവിതത്തിൻ്റെ ഭാഗമായ ഒരാള്‍ക്ക് എങ്ങനെയാണ് ഈ നിയമനത്തെക്കുറിച്ച് അറിില്ലെന്നു പറയാൻ കഴിയുന്നതെന്നും സ്വപ്ന ചോദിച്ചു.
ഐഫോൺ മാത്രമല്ല താൻ മറ്റു പല സമ്മാനങ്ങളും ശിവശങ്കറിനു നല്‍കിയിട്ടുണ്ടെന്ന് സ്വപ്ന പറഞ്ഞു. ഐഫോൺ കൊടുത്ത് അദ്ദേഹത്തെ ചതിക്കേണ്ട സാഹചര്യം തനിക്കില്ല. ഈ ഐഫോണുകള്‍ യൂണിടാക് ആണ് സ്പോൺസര്‍ ചെയ്തതെന്നും അതിലൊന്ന് ശിവശങ്കറിനു നല്‍കിയെങ്കിലും അദ്ദേഹം വാങ്ങിയില്ലെന്നും സ്വപ്ന പറഞ്ഞു. എന്നാൽ ചില സാങ്കേതിക പ്രശ്നങ്ങള്‍ വന്നപ്പോള്‍ വീട്ടിൽ വെച്ച് ഫോൺ നല്‍കുകയായിരുന്നു.
Also Read:
ശിവശങ്കര്‍ തന്‍റെ കുടുംബസുഹൃത്താണെന്നും കഴിഞ്ഞ മൂന്ന് വര്‍ഷമായി അദ്ദേഹത്തിൻ്റെ ജന്മദിനത്തിൽ പാര്‍ട്ടികള‍ള്‍ നടത്താറുണ്ടെന്നും സ്വപ്ന പറഞ്ഞു. എന്നാൽ ഐഎഎസ് ഉദ്യോഗസ്ഥൻ എന്ന നിലയ്ക്ക് അദ്ദേഹത്തിൻ്റെ പ്രോട്ടോകോള്‍ തനിക്ക് അറിയില്ല. തനിക്ക് ഐഫോൺ നല്‍കി അദ്ദേഹത്തെ ചതിക്കേണ്ട കാര്യമില്ല. അദ്ദേഹത്തിനു നല്‍കാനായി ഫോൺ തനിക്ക് കൈമാറുകയായിരുന്നുവെന്നും സ്വപ്ന പറഞ്ഞു. താനും കുടുംബവും ശിവശങ്കറെ കണ്ണടച്ചു വിശ്വസിക്കുകയായിരുന്നുവെനെന്നും എന്നാൽ സ്ത്രീയെന്ന നിലയിൽ അദ്ദേഹം തന്നെ മാനിപ്പുലേറ്റ് ചെയ്തു നശിപ്പിച്ചെന്നും സ്വപ്ന ആരോപിച്ചു.
കോൺസുലേറ്റിലെ ജോലി രാജിവെച്ചതും ശിവശങ്കര്‍ പറഞ്ഞിട്ടാണ്. തന്‍റെ വ്യക്തിത്വത്തെ ചോദ്യം ചെയ്യുന്ന തരത്തിൽ അദ്ദേഹം പുസ്തകമെഴുതിയെങ്കിൽ അത് മോശമാണെന്നും സ്വപ്ന പറഞ്ഞു.
അതേസമയം, വിവാദത്തിനു പിന്നാലെ തന്‍റെ ഭര്‍ത്താവ് തന്നെ ഉപേക്ഷിച്ചു പോകുകയായിരുന്നുവെന്നും എന്നാൽ ഇയാള്‍ തന്നെ ഇപ്പോള്‍ ആക്ഷേപിക്കുകയാണെന്നും സ്വപ്ന പറഞ്ഞു. ഭര്‍ത്താവ് ഇതുവരെ ജോലിയ്ക്കു പോയിട്ടില്ല. ജോലിയ്ക്കു പോയി ഭര്‍ത്താവിനെയും മക്കളെയും നോക്കിയത് താനാണ്. ശിവശങ്കറ്‍ വാങ്ങി നല്‍കിയ സ്പേസ് പാര്‍ക്കിലെ ജോലി തനിക്ക് അന്നമായിരുന്നു എന്നും സ്വപ്ന പറഞ്ഞു.
