കൊച്ചി > നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയെന്ന കേസിൽ നടൻ ദിലീപ് അടക്കമുള്ള പ്രതികളുടെ മുൻകൂർ ജാമ്യാപേക്ഷയിൽ ഹൈക്കോടതി തിങ്കളാഴ്ച വിധി പറയും.
കേസിൽ ഇരുവിഭാഗത്തിന്റെയും വാദം പൂർത്തിയായി. ഇനി ഇരുവിഭാഗങ്ങള്ക്കും കൂടുതല് എന്തെങ്കിലും പറയാനുണ്ടെങ്കില് അത് ശനിയാഴച എഴുതി നൽകാമെന്നും കോടതി അറിയിച്ചു. അതിനുശേഷം തിങ്കളാഴ്ച രാവിലെ 10.15 ന് വിധി പുറപ്പെടുവിക്കും.
