യോണ്ടെ> ആഫ്രിക്കൻ നാഷൻസ് കപ്പ് ഫുട്ബോളിൽ ബുർകിന ഫാസോയെ തകർത്ത് സെനഗൽ ഫൈനലിൽ. പുതുശക്തികളായ ബുർകിന ഫാസോയെ 3-1 ന് തോൽപിച്ചാണ് സെനഗൽ ഫൈനലിലെത്തിയത്. സാദിയോ മാനെയുടെ തകർപ്പൻ പ്രകടനമാണ് സെനഗലിന്റെ വിജയത്തിൽ നിർണായകമായത്.
മാനെയ്ക്ക് പുറമെ അബ്ദു ദിയാലോ, ഇദ്രിസ ഗുയേ എന്നിവർ സെനഗലിന് വേണ്ടി ഗോളുകൾ നേടി. ബ്ലാടി ടൂറെയാണ് ബുർകിന് ഫാസോയ്ക്ക് വേണ്ടി ആശ്വാസ ഗോൾ നേടിയത്. വ്യാഴ്ച നടക്കുന്ന കാമറൂണ് – ഈജിപ്ത് സെമി ഫൈനല് വിജയികളെ ഞായറാഴ്ച നടക്കുന്ന ഫൈനലില് സെനഗല് നേരിടും.
