തൃശൂർ> കൊടകരയില് 460 കിലോഗ്രാം കഞ്ചാവുമായി മൂന്ന് പേർ പിടിയിൽ. ലോറിയില് കടലാസ് കെട്ടുകള്ക്കിടയിലാക്കി കഞ്ചാവ് കടത്തുന്നതിനിടെയാണ് ഞായറാഴ്ച രാത്രി പോലീസ് പരിശോധനയില് പിടിയിലായത്. അഞ്ച് കോടി രൂപ വിലയുള്ള കഞ്ചാവാണ് പിടികൂടിയതെന്ന് പൊലീസ് പറഞ്ഞു.
കൊടുങ്ങല്ലൂര് സ്വദേശിയായ ലുലു, വടക്കാഞ്ചേരി സ്വദേശി ഷാഹിന്, പൊന്നാനി സ്വദേശിയായ സലീം എന്നിവരെയാണ് പോലീസ് അറസ്റ്റ് ചെയ്തത്. പിടിയിലായവരില് ഒരാള് പച്ചക്കറി വ്യാപാരിയില് നിന്നും പണം കവര്ന്ന കേസിലെ പ്രതിയാണ്.
