മാരിബില്‍ ഹൂതി മിസൈലാക്രമണം

സന
ഹൂതികളുടെ മിസൈൽ ആക്രമണത്തിൽ യമനിലെ മാരിബ് നഗരത്തിൽ അഞ്ചുപേർ കൊല്ലപ്പെടുകയും 34 പേർക്ക് പരിക്കേൽക്കുകയും ചെയ്തു. ബുധൻ രാത്രിയിലാണ് അൽ-മതാർ മേഖലയിലെ ഒരു സൈനിക കെട്ടിടത്തിന് അടുത്ത് മിസൈലാക്രമണം ഉണ്ടായത്. യമനിലെ വടക്കൻ മേഖലയിൽ സർക്കാരിന്റെ അവസാന ശക്തികേന്ദ്രമാണ് മാരിബ് ന​ഗരം.
രാജ്യത്തെ പ്രധാന ഊർജോൽപ്പാദന മേഖലയിലാണ് ഇത് സ്ഥിതിചെയ്യുന്നത്. ഇത് പിടിച്ചടക്കുന്നതിനായി ഒരുവർഷമായി ആക്രമണങ്ങളിലൂടെ ഹൂതികൾ മുന്നേറുകയാണ്.