ആദ്യ രണ്ട് തരംഗങ്ങളെ അപേക്ഷിച്ച് കേരളത്തിൻ്റെ കൊവിഡ് 19 പ്രതിരോധ തന്ത്രം വ്യത്യസ്തമാണെന്ന് ആരോഗ്യമന്ത്രി അറിയിച്ചു. അത്യാവശ്യമില്ലെങ്കിൽ ആശുപത്രികളിൽ പോകേണ്ട ആവശ്യമില്ലെന്നും ജനങ്ങള്‍ ടെലിമെഡിസിൻ സംവിധാനം പരമാവധി ഉപയോഗിക്കണമെന്നും മന്ത്രി വീണ ജോര്‍ജ് അറിയിച്ചു. വിരമിച്ച ഡോക്ടർമാരുടെ സേവനം ടെലി കൺസൾട്ടേഷനു വേണ്ടി ഉപയോഗിക്കും. രാജ്യത്ത് ഒമിക്രോൺ വകഭേദത്തിൻ്റെ സമൂഹവ്യാപനമുണ്ടെന്നും കേരളത്തിലും ഈ സാഹചര്യം ഉണ്ടായിരിക്കാമെന്നും ആരോഗ്യമന്ത്രി വ്യക്തമാക്കി.
Also Read:
രോഗവ്യാപനം കൂടുതലാണെങ്കിലും ഗുരുതരാവസ്ഥയിലുള്ള രോഗികളുടെ എണ്ണം കുറവാണെന്ന് ആരോഗ്യമന്ത്രി പറഞ്ഞു. ഐസിയുവിലുള്ള രോഗികളുടെ എണ്ണം ഇപ്പോഴും കുറവാണ്. ഫെബ്രുവരി പകുതിയോടു കൂടി രോഗവ്യാപനം കുറയുമെന്നും വീണ ജോര്‍ജ് വ്യക്തമാക്കി. നിലവിൽ പ്രതിദിന കൊവിഡ് 19 കേസുകള്‍ 50,000ത്തിനു മുകളിലാണെന്നും ആരോഗ്യമന്ത്രി പറഞ്ഞു.
Also Read:
സംസ്ഥാനത്ത് 15 വയസിനും 17 വയസിനും ഇടയിൽ പ്രായമുള്ള 70 ശതമാനം കുട്ടികള്‍ക്കും വാക്സിനേഷൻ പൂര്‍ത്തിയാക്കിയതായി മന്ത്രി പറഞ്ഞു. 18 വയസിനു മുകളിൽ പ്രായമുള്ള 100 ശതമാനം പേര്‍ക്കും ആദ്യ ഡോസ് വാക്സിൻ നൽകി. 84 ശതമാനത്തിലധികം പേര്‍ക്ക് രണ്ടാം ഡോസ് വാക്സിനും നൽകി. ഇതുവരെ സംസ്ഥാനത്ത് 5,05,291 ഡോസ് ബൂസ്റ്റര്‍ ഡോസ് വാക്സിൻ വിതരണം ചെയ്തതായും ആരോഗ്യമന്ത്രി വ്യക്തമാക്കി.
