കേസിൽ ബിഷപ്പ് ഫ്രാങ്കോ മുളയ്ക്കലിനെ കുറ്റവിമുക്തനാക്കിയ വിധി വന്നതിന് പിന്നാലെ തന്നെ അപ്പീൽ പോകുമെന്ന് പോലീസ് പ്രഖ്യാപിച്ചിരുന്നു. കൃത്യമായി അന്വേഷണം നടത്തി തെളിവുകൾ കൈമാറിയെന്ന് അവകാശപ്പെട്ടിട്ടും വിധി തിരിച്ചടിയായതോടെയായിരുന്നു അപ്പീൽ നടപടികളുമായി മുന്നോട്ട് പോകുമെന്ന പോലീസിന്‍റെ പ്രതികരണം.
Also Read :
കേസുമായി ബന്ധപ്പെട്ട രേഖകള്‍ പോലീസ് എജിക്ക് കൈമാറിയെന്നാണ് റിപ്പോർട്ട് പറയുന്നത്. സംസ്ഥാന പോലീസ് മേധാവിയാണ് രേഖകള്‍ കൈമാറിയത്. നടപടികള്‍ വേഗത്തിലാക്കണമെന്ന് എ.ജിയോട് സംസ്ഥാന പോലീസ് മേധാവി ആവശ്യപ്പെടുകയും ചെയ്തിട്ടുണ്ടെന്നും മാതൃഭൂമി റിപ്പോർട്ട് ചെയ്യുന്നു.
Also Read :
മിഷനറീസ് ഓഫ് ജീസസ് സന്യാസ സഭാംഗമായ കന്യാസ്ത്രീയെ 2014 മുതൽ 2016 വരെ ബിഷപ് ഫ്രാങ്കോ പീഡിപ്പിച്ചു എന്നാണ് കേസ്. ജനുവരി 14നാണ് ബിഷപ് ഫ്രാങ്കോ മുളയ്ക്കലിനെ കുറ്റവിമുക്തനാക്കിക്കൊണ്ടുള്ള വിധി കോടതി പുറപ്പെടുവിച്ചത്. കോട്ടയം ജില്ലാ അഡീഷനൽ സെഷൻസ് കോടതി ജഡ്ജി ജി ഗോപകുമാറായിരുന്നു വിധി പറഞ്ഞത്. കോടതി വിധി 2013ലെ നിർഭയ കേസിനെ തുടർന്നുള്ള നിയമഭേദഗതിക്ക് എതിരാണെന്നാണ് സ്പെഷൽ പബ്ലിക് പ്രോസിക്യൂട്ടർ നിയമോപദേശം നൽകിയിരിക്കുന്നത്.
