കൊച്ചി: മാതൃഭൂമി ചീഫ് ന്യൂസ് ഫോട്ടോഗ്രാഫർ അന്തരിച്ച സി കെ ജയകൃഷ്ണന്റെ സ്മരണാർത്ഥം മാതൃഭൂമി ഫോട്ടോ ജേണലിസ്റ്റ് കൂട്ടായ്മ ഏർപ്പെടുത്തിയ ന്യൂസ് ഫോട്ടോഗ്രാഫി അവാർഡ് മലയാള മനോരമ വയനാട് ഫോട്ടോഗ്രാഫർ ജിതിൻ ജോയൽ ഹാരിമിന്.
അവാർഡിന്റെ പരിഗണക്കായി ലഭിച്ച 100 ഓളം വാർത്താ ചിത്രങ്ങളിൽ നിന്നാണ് നെഞ്ചുലഞ്ഞാലും അച്ഛനൊരു സല്യൂട്ട്… എന്ന തലകെട്ടോടുകൂടി കശ്മീരിൽ മഞ്ഞുമലയിടിഞ്ഞ് മരിച്ച സുബേദാർ സി.പി. ഷിജിയുടെ മ്യതദേഹം വീട്ടിലെത്തിച്ചപ്പോൾ അവസാനമായി മകൻ അഭിനവ് സല്യൂട്ട് ചെയ്യുന്ന ചിത്രം തിരഞ്ഞെടുത്തത്.
10000 രൂപയും പ്രശംസി പത്രവും അടങ്ങുന്നതാണ് അവാർഡ് .ജനുവരി 26 ന് തൃശ്ശൂരിൽ വെച്ചു നടത്തുവാനിരുന്ന അവാർഡുദാന ചടങ്ങ് കോവിഡ് വ്യാപനത്തെ തുടർന്ന് മറ്റൊരു ദിവസം നടത്തുമെന്ന് സംഘാടകർ അറിയിച്ചു .
