സന്ദർശകരെ അനുവദിക്കാതെ വീട്ടിൽ കഴിഞ്ഞ് വരവെയാണ് വിഎസിനും കൊവിഡ് ബാധിച്ചത്. അദ്ദേഹത്തെ പരിചരിച്ച നഴ്സ് കൊവിഡ് പോസിറ്റീവായതിനെത്തുടർന്ന് നടത്തിയ പരിശോധനയിലാണ് മുൻ മുഖ്യമന്ത്രിയും കൊവിഡ് ബാധിതനാണെന്ന് അറിഞ്ഞത്.
Also Read :
ആരോഗ്യവിദഗ്ധരുടെ നിർദ്ദേശം പാലിച്ചാണ് വിഎസിനെ ആശുപത്രിയിൽ പ്രവേശിപ്പിച്ചതെന്ന് മകൻ വ്യക്തമാക്കി. “മഹാമാരിയുടെ പിടിയിൽ പെടാതെ, ഡോക്ടർമാരുടെ നിർദ്ദേശം കർശനമായി പാലിച്ച് വീട്ടിൽ കഴിച്ചുകൂട്ടിയ അച്ഛനും കൊവിഡ് പോസിറ്റീവായിരിക്കുന്നു. സന്ദർശകരെപ്പോലും അനുവദിക്കാതെ, ഒരർത്ഥത്തിൽ ക്വാറൻറൈനിലായിരുന്നു, അച്ഛൻ. നിഭാഗ്യവശാൽ അച്ഛനെ പരിചരിച്ച നഴ്സിന് കൊവിഡ് പോസിറ്റീവായി. ഇന്നലെ പരിശോധിച്ചപ്പോൾ അച്ഛനും കൊവിഡ് പോസിറ്റീവ്. ആരോഗ്യവിദഗ്ധരുടെ നിർദ്ദേശം പാലിച്ച് അച്ഛനിപ്പോൾ ആശുപത്രിയിലാണ്.” അരുൺ കുമാർ ഫേസ്ബുക്ക് പോസ്റ്റിലൂടെ പറഞ്ഞു.
അതേസമയം സംസ്ഥാനത്ത് വ്യാഴാഴ്ച 46,387 പേര്‍ക്കാണ് കൊവിഡ്-19 സ്ഥിരീകരിച്ചത്. തിരുവനന്തപുരം 9720, എറണാകുളം 9605, കോഴിക്കോട് 4016 എന്നിങ്ങനെയാണ് കേസുകൾ. 1,15,357 സാമ്പിളുകൾ പരിശോധിച്ചപ്പോഴാണ് ഇത്രയധികം കേസുകൾ റിപ്പോർട്ട് ചെയ്തത്. രോഗം സ്ഥിരീകരിച്ച് ചികിത്സയിലായിരുന്ന 15,388 പേര്‍ക്കായിരുന്നു ഇന്നലെ രോഗമുക്തി ലഭിച്ചത്.
Also Read :
സംസ്ഥാനത്ത് 62 പേര്‍ക്ക് കൂടി ഇന്നലെ ഒമിക്രോണ്‍ സ്ഥിരീകരിച്ചിരുന്നു. ഇതോടെ സംസ്ഥാനത്തെ ആകെ ഒമിക്രോൺ കേസുകൾ 707 ആയി ഉയർന്നു. സംസ്ഥാനത്ത് കൊവിഡ് കേസുകൾ ഉയർന്ന സാഹചര്യത്തിൽ ഏർപ്പെടുത്തിയ നിയന്ത്രണങ്ങൾ ഇന്ന് നിലവിൽ വരികയും ചെയ്യും. ഒന്ന് മുതൽ ഒൻപത് വരെയുള്ള ക്ലാസുകൾ ഇന്ന് മുതൽ ഓൺലൈനിലേക്ക് മാറുകയുമാണ്.
