കോളേജുകൾ അടയ്ക്കുന്ന കാര്യം പരിഗണനയിലാണെന്ന് കഴിഞ്ഞദിവസം ഉന്നത വിദ്യാഭ്യാസവകുപ്പ് മന്ത്രി പറഞ്ഞിരുന്നു. ഇക്കാര്യത്തിൽ ഇന്ന് തീരുമാനം ഉണ്ടാകും. വാരാന്ത്യ ലോക്ക് ഡൗണും രാത്രി കർഫ്യൂവും സംസ്ഥാനത്ത് ഏർപ്പെടുത്തുമോയെന്നാണ് എല്ലാവരും ഉറ്റുനോക്കുന്നത്. വിവാഹം, മരണനാന്തര ചടങ്ങുകൾ തുടങ്ങിയവയിൽ പങ്കെടുക്കാവുന്നവരുടെ എണ്ണത്തിലും കുറവുണ്ടായേക്കും.
Also Read :
കൊവിഡ് തീവ്രവ്യാപനം തടയാൻ കർശന നിയന്ത്രണങ്ങൾ ഏർപ്പെടുത്തുമ്പോഴും സമ്പൂർണ്ണ അടച്ചുപൂട്ടൽ ഉണ്ടാകില്ലെന്നാണ് റിപ്പോർട്ടുകൾ നൽകുന്ന സൂചന. കഴിഞ്ഞദിവസം ചേർന്ന മന്ത്രിസഭാ യോഗവും സംസ്ഥാനത്ത് കൂടുതൽ നിയന്ത്രണങ്ങൾ ഏർപ്പെടുത്തണം എന്ന സാഹചര്യമാണെന്ന് വിലയിരുത്തിയതായും റിപ്പോർട്ടുകളുണ്ടായിരുന്നു.
സംസ്ഥാനത്ത് പ്രതിദിന കൊവിഡ് കേസുകളിൽ വൻ വർധനവാണ് നിലവിൽ രേഖപ്പെടുത്തുന്നത്. ഇന്നലെ 34,199 പേർക്കായിരുന്നു രോഗബാധ. എറണാകുളം 5953, തിരുവനന്തപുരം 5684, തൃശൂര് 3604, കോഴിക്കോട് 3386 എന്നിവിടങ്ങളിലാണ് കൂടുതൽ കേസുകൾ റിപ്പോർട്ട് ചെയ്തത്. ഒമിക്രോൺ കേസുകളിൽ വർധനവ് ഉണ്ടായാൽ പ്രതിദിന കൊവിഡ് കേസുകളുടെ എണ്ണം വളരെയധികമായേക്കുമെന്നാണ് വിലയിരുത്തപ്പെടുന്നത്.
Also Read :
സംസ്ഥാനത്ത് പ്രതിദിന കൊവിഡ് ബാധിതരുടെ എണ്ണം അരലക്ഷം കടന്നേക്കുമെന്ന് മുന്നറിയിപ്പ് വന്നതോടെ നിയന്ത്രണങ്ങൾ കടുപ്പിക്കാൻ തന്നെയാണ് സർക്കാരിന്റെ തീരുമാനമെന്നാണ് ഏഷ്യാനെറ്റ് ന്യൂസ് റിപ്പോർട്ട് ചെയ്യുന്നത്.
