കോഴിക്കോട്> മുസ്ലിംലീഗിന്റെ സംഘപരിവാർ വിരോധത്തിന്റെ കാപട്യം ഒരിക്കൽകൂടി മറനീക്കുന്നതാണ് ബിജെപി വോട്ടിനായി പി എം എ സലാമിന്റെ ശ്രമങ്ങളെന്ന് ഐഎന്എല് സംസ്ഥാന ജനറല് സെക്രട്ടറി കാസിം ഇരുക്കൂര്.
കോഴിക്കോട് സൗത്ത് മണ്ഡലത്തില് എല് ഡി എഫ് സ്ഥാനാര്ഥിയായ ഐ എന് എല് നേതാവ് അഹമ്മദ് ദേവര്കോവിലിനെ പരാജയപ്പെടുത്താന് ബി ജെ പി വോട്ട് തരപ്പെടുത്തുന്നതിനാണ് ലീഗ് സംസ്ഥാന ജനറല് സെക്രട്ടറിയുടെ ചുമതലയുള്ള സലാം ശ്രമിച്ചത്. ഇത് വെളിപ്പെടുത്തുന്ന സംഭാഷണം പുറത്തായതില് അത്ഭുതപ്പെടാനില്ല.
മുഖ്യ ശത്രുവായി സി പി ഐ എമ്മിനെ പ്രതിഷ്ഠിച്ച് ബി ജെ പി വോട്ട് ഉറപ്പാക്കാന് ലീഗ് നേതാവ് നടത്തിയ ലജ്ജാവഹമായ കഥയാണ് ഇപ്പോള് പുറത്തുവന്നിരിക്കുന്നത്. ലീഗിന്റെ വഞ്ചനക്കെതിരെ ആത്മാര്ഥതയുള്ള നേതാക്കളും പ്രവര്ത്തകരും പ്രതികരിക്കണമെന്നും കാസിം ആവശ്യപ്പെട്ടു.
