മെൽബൺ
ഓസ്ട്രേലിയൻ ഓപ്പണിലെ കന്നിമത്സരത്തിൽ സ്ളൊയാനെ സ്റ്റീഫൻസിനെ കീഴടക്കി എമ്മ റഡുകാനു തകർപ്പൻ തുടക്കം കുറിച്ചു. മൂന്നുസെറ്റ് നീണ്ട പോരാട്ടത്തിൽ 6–0, 2–6, 6–1 സ്കോറിനായിരുന്നു ബ്രിട്ടീഷുകാരിയുടെ ജയം. രണ്ടാംറൗണ്ടിൽ മൊണ്ടിനെഗ്രോയുടെ ഡാങ്ക കൊവിനിച്ചാണ് പത്തൊമ്പതുകാരിയുടെ എതിരാളി. മെൽബണിൽ 17–ാം സീഡായിരുന്നു ഈ യുഎസ് ഓപ്പൺ ചാമ്പ്യൻ.
ഗാർബീൻ മുഗുരുസ, അറിയാന സബലേങ്ക, ഇഗ സ്വാടെക്, സിമോണ ഹാലെപ് എന്നിവരും മുന്നേറി. പുരുഷൻമാരിൽ രണ്ടാംസീഡ് ഡാനിൽ മെദ്-വെദെവ്, സ്റ്റെഫനോസ് സിറ്റ്സിപാസ്, ആൻഡി മറേ എന്നിവരും രണ്ടാംറൗണ്ടിലെത്തി.
