അന്താരാഷ്ട്ര ചലച്ചിത്ര മേള മാറ്റിവെച്ചു

തിരുവനന്തപുരം> കോവിഡ് വ്യാപനത്തിന്റെ പശ്ചാത്തലത്തില് ഫെബ്രുവരി നാലാം തീയതി മുതല് നടത്താനിരുന്ന 26 മത് അന്താരാഷ്ട്ര ചലച്ചിത്ര മേള (ഐഎഫ്എഫ്കെ) മാറ്റിവെക്കുവാന് തീരുമാനമായതായി സാംസ്കാരിക വകുപ്പ് മന്ത്രി സജി ചെറിയാന് അറിയിച്ചു. കോവിഡ് സാഹചര്യത്തില് മാറ്റമുണ്ടാകുന്നതിനനുസരിച്ചു മേള നടത്തും. പുതുക്കിയ തീയതി പിന്നീട് അറിയിക്കുമെന്നും അദ്ദേഹം പറഞ്ഞു.