കന്യാസ്ത്രീയ്ക്ക് ആവശ്യമായ നിയമ സഹായം നൽകുക സേവ് ഔവർ സിസ്റ്റേഴ്സ് ഫോറം തന്നെയാകും. ഫ്രാങ്കോ മുളയ്ക്കലിനെ കുറ്റവിമുക്തനാക്കിയ വിധിയിൽ നിരവധി പോരായ്മകളുണ്ടെന്നും ഫോറം കൺവീനർ ഫ. അഗസ്റ്റിൻ വട്ടോളി പറഞ്ഞു. കന്യാസ്ത്രീ വൈകാതെ തന്നെ മാധ്യമങ്ങളെ കാണുമെന്നും അദ്ദേഹം അറിയിച്ചു.
Also Read :
ഫ്രാങ്കോ മുളക്കലുമായി സൗഹൃദം ഉണ്ടായിരുന്നെങ്കിൽ ബിഷപ്പ് മഠത്തിൽ വരുന്നത് വിലക്കുമായിരുന്നില്ല. ഇരയുടെ മൊഴിയിൽ കുത്തും കോമയും കുറഞ്ഞത് നോക്കി ആയിരുന്നില്ല സുപ്രധാനമായ ഈ കേസിൽ കോടതി വിധി പറയേണ്ടിയിരുന്നതെന്നും ഫാ. അഗസ്റ്റിൻ വട്ടോളി പറഞ്ഞതായി ഏഷ്യാനെറ്റ് ന്യൂസ് റിപ്പോർട്ട് ചെയ്തു.
ഉന്നത കോടതികളിൽ നിന്നും ഇരക്ക് നീതി ലഭിക്കുമെന്നാണ് കരുതുന്നതെന്ന് പറഞ്ഞ സേവ് ഔവർ സിസ്റ്റേഴ്സ് ഫോറം കൺവീനർ വിചാരണക്കോടതി വിധിക്കെതിരെ സർക്കാരും ഉടൻ അപ്പീൽ നൽകണമെന്നും ആവശ്യപ്പെട്ടു.
Also Read :
അതേസമയം കേസിൽ അതിവേഗം അപ്പീൽ നൽകാനുള്ള സാധ്യത പോലീസ് തേടിയതായും റിപ്പോർട്ടുകളുണ്ട്. കോട്ടയം ജില്ലാ പോലീസ് മേധാവി സ്പെഷ്യൽ പബ്ലിക് പ്രോസിക്യൂട്ടറോടാണ് നിയമോപദേശം തേടിയത്. നിയമോപദേശം ലഭിച്ചതിന് ശേഷം അപ്പീൽ നൽകാൻ ഡിജിപി മുഖേന സർക്കാരിന് കത്ത് നൽകുകയാകും ചെയ്യുക. അതേസമയം കേസിൽ അപ്പീലിന് വളരെയധികം സാധ്യതയുണ്ടെന്ന് ജസ്റ്റിസ് കെമാൽ പാഷ അഭിപ്രായപ്പെട്ടു. അപ്പീൽ പോയാൽ പ്രതി ശിക്ഷിക്കപ്പെടാവുന്ന കേസാണിതെന്നാണ് അദ്ദേഹത്തിന്‍റെ പ്രതികരണം.
