കോട്ടയം:ബലാത്സംഗക്കേസിൽ കുറ്റവിമുക്തനാക്കപ്പെട്ട വിധി കേട്ട് ബിഷപ്പ് ഫ്രാങ്കോ മുളയ്ക്കൽ കോടതി മുറിക്ക് പുറത്ത് പൊട്ടിക്കരഞ്ഞു. സഹോദരങ്ങളെ കെട്ടിപ്പിടിച്ചുകരഞ്ഞ ബിഷപ്പ് ഏറെ സന്തോഷത്തോടെയാണ്കോടതിക്ക് പുറത്തേക്ക് വന്നത്. ദൈവത്തിന് സ്തുതിയെന്ന് മാത്രമായിരുന്നു ബിഷപ്പിന്റെ പ്രതികരണം.
കേസിൽ നിന്ന് കുറ്റവിമുക്തനാക്കിയെന്ന് ഒറ്റവരിയിലായിരുന്നു കോടതി വിധി. തൊട്ടുപിന്നാലെ സഹോദരങ്ങൾ ഉൾപ്പെടെയുള്ളവർക്കൊപ്പംബിഷപ്പ് കോടതിക്ക് പുറത്തേക്കിറങ്ങി.വിധി സംബന്ധിച്ച പ്രതികരണം ആരാഞ്ഞമാധ്യമങ്ങളോട് ദൈവത്തിന് സ്തുതി എന്ന ഒറ്റവാക്കു മാത്രമായിരുന്നുബിഷപ്പിന്റെ പ്രതികരണം. കൂടുതൽ പ്രതികരണങ്ങൾക്ക് തയ്യാറാകാതെ ബിഷപ്പ് കാറിൽ കയറി മടങ്ങി.
ബിഷപ്പിന്റെ അനുയായികളുടെ വലിയ ആരവവും പ്രാർഥനകളും കോടതിക്ക് പുറത്ത് മുഴങ്ങുന്നുണ്ടായിരുന്നു. വിധി കേൾക്കാനായി വെള്ളിയാഴ്ച രാവിലെ ഒമ്പതരയോടെ തന്നെ ബിഷപ്പ് കോടതി മുറിയിലെത്തിയിരുന്നു. 105 ദിവസത്തെ രഹസ്യ വിചാരണയ്ക്ക് ഒടുവിലാണ് കോട്ടയം അഡീഷണൽ സെഷൻസ് കോടതി ജഡ്ജി ജി ഗോപകുമാർ കേസിൽ വിധി പ്രസ്താവിച്ചത്.
ബലാത്സംഗം, അധികാരം ഉപയോഗിച്ച് സ്ത്രീയെ ലൈംഗികമായി പീഡിപ്പിക്കൽ തുടങ്ങിയവ ഉൾപ്പെടെ ഏഴു വകുപ്പുകൾപ്രകാരമുള്ള കുറ്റങ്ങളാണ് ബിഷപ്പിനെതിരേ ചുമത്തിയിരിക്കുന്നത്. ഈ കേസുകളിലെല്ലാം കോടതി ബിഷപ്പിനെ കുറ്റവിമുക്തമാക്കി. നാളിതുവരെ ബിഷപ്പിന്റെ നിരപരാധിത്വത്തിൽ വിശ്വസിച്ചവർക്കും നിയമസഹായം നൽകിയവർക്കും നന്ദി അറിയിക്കുന്നതായും ജലന്ധർ രൂപതപ്രസ്താവനയിൽ അറിയിച്ചു.
വിധി പ്രസ്താവിക്കുന്നതിന്റെ ഭാഗമായി രാവിലെ മുതൽ വലിയ സുരക്ഷയിലായിരുന്നു കോടതി പരിസരം. കോട്ടയം ഡിവൈഎസ്പിയുടെ നേതൃത്വത്തിൽ വൻ പോലീസ് സന്നാഹം കോടതിക്ക് പുറത്ത് നിലയുറപ്പിച്ചിട്ടുണ്ട്. ബോംബ്, ഡോഗ് സ്ക്വാഡുകൾ കോടതിമുറി പരിശോധിച്ചു. കോടതി കോമ്പൗണ്ടിനുള്ളിൽ ബാരിക്കേഡുകളും സ്ഥാപിച്ചിരുന്നു.
Content Highlights: Bishop franco mulakkal reaction after court verdict
