കൊച്ചി> നടിയെ ആക്രമിച്ച കേസില് തെളിവുകള് തേടി നടന് ദിലീപിന്റെ ആലുവയിലെ വീട്ടില് ക്രൈംബ്രാഞ്ച് റെയ്ഡ്. അന്വേഷണ ഉദ്യോഗസ്ഥരെ വധിക്കാൻ ഗൂഢാലോചന നടത്തി എന്ന കേസിലാണ് പരിശോധന.ദിലീപിന്റെ സഹോദരൻ അനൂപിന്റെ വീട്ടിലും നിർമാണ കമ്പനിയിലും റെയ്ഡ് നടക്കുന്നുണ്ട്.
ഈ കേസിൽ മുൻകൂർ ജാമ്യം തേടി ദിലീപ് ഹൈക്കോടതിയെ സമീപിച്ചിരുന്നു. ഈ ഹർജി നാളെ കോടതി പരിഗണിക്കാനിരിക്കേയാണ് രാവിലെ 11.45 ഓടെ ക്രൈംബ്രാഞ്ച് പ്രത്യേക സംഘം പരിശോധനയ്ക്കെത്തിയത് .
തൻ്റെ ചുമലിൽ കൈവച്ച പൊലീസുകാരനെ വധിക്കുമെന്നും മറ്റുള്ള ഉദ്യോഗസ്ഥരുടെ വീട്ടിൽ ലോറി കയറ്റുമെന്നും ദിലീപ് പറഞ്ഞതായി സംവിധായകൻ ബാലചന്ദ്രകുമാർ മൊഴി നൽകിയിരുന്നു. ഇതിന്റെ ഭാഗമായാണ് ദിലീപിന്റെ വീട്ടില് പരിശോധന നടത്തുന്നത്. ക്രൈംബ്രാഞ്ച് എസ്പി യുടെ നേതൃത്വത്തിലാണ് പരിശോധന.
