കണ്ണൂർ ഇരിട്ടിയിൽ കിളിയന്തറ ചെക് പോസ്റ്റിന് സമീപമുണ്ടായ ബൈക്കപകടത്തിൽ രണ്ട് യുവാക്കൾക്ക് ദാരുണാന്ത്യം. ബൈക്കിൽ നിന്ന് വീണ ഇവരുടെ ദേഹത്തൂടെ കാർ കയറി ഇറങ്ങുകയായിരുന്നു.
കിളിയന്തറ 32-ാം മൈൽ സ്വദേശി തൈക്കാട്ടിൽ അനീഷ് (28), വളപ്പാറ സ്വദേശി തെക്കുംപുറത്ത് അസീസ് (40) എന്നിവരാണ് മരിച്ചത്.
കൂട്ടുപുഴ ഭാഗത്തുനിന്ന് വള്ളിത്തോട് ഭാഗത്തേക്ക് ബൈക്കിൽ വരികയായിരുന്ന ഇരുവരും. കിളിയന്തറ എക്സൈസ് ചെക് പോസ്റ്റ് കഴിഞ്ഞതിനുശേഷം ഹൈസ്കൂളിന് മുന്നിലാണ് അപകടമുണ്ടായത്.
ഇവർ സഞ്ചരിച്ച ബൈക്ക് റോഡിൽ വീണപ്പോൾ എതിർദിശയിൽനിന്ന് വന്ന കാർ ഇവരുടെ ദേഹത്ത് കയറുകയായിരുന്നു.
Content Highlights: Kannur Accident
