കൊച്ചി
സന്തോഷ് ട്രോഫി ഫുട്ബോൾ ചാമ്പ്യൻഷിപ്പിന്റെ ഫൈനൽ റൗണ്ടിൽ കേരളം എ ഗ്രൂപ്പിൽ. മേഘാലയ, പഞ്ചാബ്, ബംഗാൾ, രാജസ്ഥാൻ എന്നിവയാണ് മറ്റു ടീമുകൾ. ബി ഗ്രൂപ്പിൽ ഗുജറാത്ത്, കർണാടകം, ഒഡിഷ, സർവീസസ്, മണിപ്പുർ എന്നീ ടീമുകളാണ്.
ഫെബ്രുവരി 20 മുതൽ മാർച്ച് ആറുവരെ മലപ്പുറം ജില്ലയിലെ മഞ്ചേരി പയ്യനാട് സ്റ്റേഡിയം, കോട്ടപ്പടി സ്റ്റേഡിയം എന്നിവിടങ്ങളിലാണ് മത്സരങ്ങൾ. ഒരു ഗ്രൂപ്പിലെ മത്സരങ്ങൾ കോട്ടപ്പടി സ്റ്റേഡിയത്തിലാകും. സെമി, ഫൈനൽ പയ്യനാട് സ്റ്റേഡിയത്തിലാണ്. ഗ്രൂപ്പിലെ ആദ്യ രണ്ട് സ്ഥാനക്കാർ സെമിയിലെത്തും.
