എറണാകുളം 18, തിരുവനന്തപുരം 8, പത്തനംതിട്ട 7, കോട്ടയം, മലപ്പുറം 5 വീതം, കൊല്ലം 3, ആലപ്പുഴ, തൃശൂർ, പാലക്കാട് ഒന്ന് വീതം എന്നിങ്ങനെയാണ് ഒമിക്രോണ് സ്ഥിരീകരിച്ചത്. ഇതുകൂടാതെ കോയമ്പത്തൂർ സ്വദേശിക്കും ഒമിക്രോൺ സ്ഥീരികരിച്ചു. ഇതിൽ 45 പേർ ലോ റിസ്ക് രാജ്യങ്ങളിൽ നിന്നും 5 പേർ ഹൈ റിസ്ക് രാജ്യങ്ങളില് നിന്നും വന്നതാണ്. ആർക്കും തന്നെ സമ്പർക്കത്തിലൂടെ ഒമിക്രോണ് ബാധിച്ചിട്ടില്ല.
എറണാകുളത്ത് രോഗം സ്ഥിരീകരിച്ചവരിൽ 13 പേർ യുഎഇയിൽ നിന്നും നാല് പേർ ഖത്തറിൽ നിന്നും ഒരാൾ സ്വീഡനിൽ നിന്നും വന്നതാണ്. തിരുവനന്തപുരത്ത് രോഗം സ്ഥിരീകരിച്ചവരിൽ നാല് പേർ യുഎഇയിൽ നിന്നും, സൗദി അറേബ്യ, മാലിദ്വീപ്, യുകെ, ഇറ്റലി എന്നിവിടങ്ങളിൽ നിന്നും ഓരോരുത്തരും എത്തി.
പത്തനംതിട്ടയിൽ രോഗം സ്ഥിരീകരിച്ചവരിൽ യുഎഇ 4, യുഎസ്എ 2, ഖത്തര് 1, കോട്ടയം യുഎസ്എ 2, യുകെ, യുഎഇ, ഉക്രൈൻ ഒന്നു വീതം ആളുകളാണ് എത്തിയത്. മലപ്പുറത്ത് രോഗബാധിതരായവരിൽ അഞ്ച് പേർ യുഎഇയിൽ നിന്നാണ് എത്തിയത്.
കൊല്ലത്ത് യുഎഇയിൽ നിന്നും എത്തിയ മൂന്നു പേർക്ക് രോഗം സ്ഥിരീകരിച്ചു. ആലപ്പുഴയിൽ സിങ്കപ്പൂരിൽ നിന്നും എത്തിയ ഒരാൾക്കും തൃശൂരിൽ യുഎഇയിൽ നിന്നും എത്തിയ ഒരാൾക്കും രോഗം സ്ഥിരീകരിച്ചു. പാലക്കാട് രോഗം സ്ഥിരീകരിച്ച ഒരാൾ യുഎഇയിൽ നിന്നും വന്നതാണ്. കോയമ്പത്തൂര് സ്വദേശി ഈജിപ്റ്റില് നിന്നും വന്നതാണ്.
ഇതോടെ സംസ്ഥാനത്ത് ആകെ 280 പേർക്കാണ് ഒമിക്രോൺ സ്ഥിരീകരിച്ചത്. ലോ റിസ്ക് രാജ്യങ്ങളിൽ നിന്ന് 186 പേരും ഹൈ റിസ്ക് രാജ്യങ്ങളിൽ നിന്നും ആകെ 64 പേരും എത്തിയിട്ടുണ്ട്. 30 പേർക്കാണ് ആകെ സമ്പർക്കത്തിലൂടെ രോഗം ബാധിച്ചത്.
