കൊച്ചി > അഡ്വ. ബിന്ദു അമ്മിണിക്ക് നേരെയുണ്ടായ സംഘ പരിവാർ ആക്രമണത്തിൽ ഓൾ ഇന്ത്യാ ലോയേഴ്സ് യൂണിയൻ പ്രതിഷേധിച്ചു. നേരത്തെ പലവട്ടം സംഘപരിവാർ ആക്രമണത്തിന് ഇരയായ ബിന്ദു ചങ്കൂറ്റത്തോടെ സമൂഹ വിഷയങ്ങളിൽ ഇടപെട്ടുന്നതിൽ അസഹിഷ്ണത മൂലമാണ് ഇത്തരം നടപടികളെന്നും ഇത് ചെറുതായി കാണാനാവില്ലെന്നും സംസ്ഥാന സെക്രട്ടറി അഡ്വ. സി പി പ്രമോദ്, വനിതാ സബ് കമ്മറ്റി ചെയർപേഴ്സൻ അഡ്വ. ഐഷാ പോറ്റി, “സബ് കമ്മറ്റി കൺവീനർ അഡ്വ. ലതാ ടി തങ്കപ്പൻ എന്നിവർ സംയുക്ത പ്രസ്താവനയിൽ അറിയിച്ചു.
“ആക്രമണത്തെ ന്യായീകരിക്കാനാവില്ല. ഭരണഘടന ഉറപ്പ് നൽകുന്ന സംരക്ഷണം ബിന്ദുവിന് ലഭിക്കണം. സാമൂഹിക പ്രശ്നങ്ങളിൽ ഇടപെടുന്ന ദളിത് സ്ത്രിക്കെതിരായ അക്രമണം വർണ്ണവ്യവസ്ഥക്കെതിരെ നാം നേടിയ പുരോഗതിയെ വെല്ലുവിളിക്കുന്നതാണ്. കോഴിക്കോട് കായികമായ ആക്രമണം അഴിച്ചുവിട്ടയാൾക്കെതിരെ കർശന പൊലീസ് നടപടി ഉണ്ടാവണമെന്നും ആവശ്യമായ സംരക്ഷണം നൽകണമെന്നും അധികാരികളോട് ആവശ്യപ്പെട്ടിട്ടുണ്ട്. സംഘപരിവാറിൻ്റെ പിൻബലത്തിൽ അക്രമണം അഴിച്ചു വിടുന്നവർക്കെതിരെ പൊലീസ് നടപടി ഉണ്ടാവണമെന്നും സംയുക്ത പ്രസ്താവനയിൽ ആവശ്യപ്പെട്ടു.
