പാലക്കാട് > പാലക്കാട് കോൺഗ്രസ് നേതാവിൽ നിന്നും വിമാനത്താവളത്തിൽ വെച്ച് തോക്ക് പിടികൂടി . ഡിസിസി വൈസ് പ്രസിഡന്റ് കെഎസ്ബിഎ തങ്ങളിൽ നിന്നുമാണ് തോക്കും 7 ബുള്ളറ്റും പിടിച്ചെടുത്തത്. കോയമ്പത്തൂർ വിമാനത്താവളത്തില് നിന്നുമാണ് തോക്ക് പിടികൂടിയത്.
തോക്കു കൈവശം വയ്ക്കാൻ ആവശ്യമായ രേഖകൾ തങ്ങളുടെ പക്കൽ ഉണ്ടായിരുന്നില്ല. കോയമ്പത്തൂരിൽ നിന്നും ബെംഗളൂരുവിലേക്ക് പോവുന്നതിനായി എയർപോർട്ടിൽ എത്തിയതാണ് ഇയാൾ. കെഎസ്ബിഎ തങ്ങളെ കോയമ്പത്തൂർ പീളമേട് പൊലീസിന് കൈമാറും.
