പ്രൊഫ. എം.വൈ യോഹന്നാൻ
കൊച്ചി: സുവിശേഷ പ്രാസംഗികനും ക്രിസ്ത്യൻ റിവൈവൽ ഫെലോഷിപ് പ്രസിഡന്റുമായ പ്രൊഫ. എം.വൈ യോഹന്നാൻ (84) അന്തരിച്ചു. വൃക്ക സംബന്ധമായ അസുഖത്തെ തുടർന്ന് ചികിത്സയിലാരുന്നു. ആലുവയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം.
1964ൽ കോലഞ്ചേരിയിലെ സെന്റ് പീറ്റേഴ്സ് കോളേജിൽ അധ്യാപകനായി ചേർന്നു. 33 വർഷക്കാലം ഇതേ കോളേജിൽ അധ്യാപകനായി ജോലി ചെയ്തു. ഇവിടെ നിന്ന് പ്രിൻസിപ്പലായി വിരമിച്ചു. നൂറിൽ പരം സുവിശേഷ ഗ്രന്ഥങ്ങളുടെ കർത്താവു കൂടിയാണ് അദ്ദേഹം.
എം വൈ യോഹന്നാന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചനം രേഖപ്പെടുത്തി.
Content Highlights: Christian Preacher Prof MY Yohannan passed away
