ആലപ്പുഴ: ബി.ജെ.പി നേതാവ് രഞ്ജിത്തിന്റെ കൊലപാതകത്തിൽ മൂന്ന് എസ്.ഡി.പി.ഐ പ്രവർത്തകർ കൂടിഅറസ്റ്റിൽ. ഇവരിൽ രണ്ട് പേർ കൊലപാതകത്തിൽ നേരിട്ട് പങ്കെടുത്തവരാണ്.
പെരുമ്പാവൂരിൽ നിന്നാണ് ഇവരെ പിടികൂടിയത്. രാവിലെയാണ് ഇവരെ കസ്റ്റഡിയിലെടുത്തത്. രഞ്ജിത്തിനെ കൊലപ്പെടുത്തിയ 12 അംഗ സംഘത്തിലെ രണ്ട് പേർ നേരത്തെ പിടിയിലായിരുന്നു.
കൊലപാതകത്തിൽ നേരിട്ട് പങ്കുള്ള അനൂപ്, ജസീബ് എന്നിവരെയാണ് പോലീസ് പിടിയിലായിരുന്നത്. ഇതിന് പിന്നാലെയാണ് ഇപ്പോൾ മൂന്ന് പേരെ കൂടി പോലീസ് അറസ്റ്റ് ചെയ്തത്. ഇവരെക്കുറിച്ചുള്ള കൂടുതൽ വിവരങ്ങൾ പോലീസ് പുറത്ത് വിട്ടിട്ടില്ല.
ഇനി എട്ട് പേർ കൂടിയാണ് പിടിയിലാകാനുള്ളത്.ഗൂഡാലോചനയിൽ പങ്കെടുത്ത ആറ് പേരെ ഇതുവരെ പോലീസ് പിടികൂടിയിട്ടുണ്ട്.
Content Highlights: Alappuzha Ranjith Srinivas murder case
