കൊച്ചി > എസ്എഫ്ഐ എറണാകുളം ജില്ലാ കമ്മിറ്റി സൈമൺ ബ്രിട്ടോയെ അനുസ്മരിച്ചു. മഹാരാജാസ് കോളേജിൽ നടന്ന അനുസ്മരണയോഗം സംസ്ഥാന പ്രസിഡന്റ് വി എ വിനീഷ് ഉദ്ഘാടനം ചെയ്തു. ജില്ലാ പ്രസിഡന്റ് പി എം ആർഷോ അധ്യക്ഷനായി. സീന ഭാസ്കർ മുഖ്യപ്രഭാഷണം നടത്തി.
ജില്ലാ സെക്രട്ടറി സി എസ് അമൽ സ്വാഗതവും ഏരിയ സെക്രട്ടറി ആശിഷ് എസ് ആനന്ദ് നന്ദിയും പറഞ്ഞു. എസ്എഫ്ഐയുടെ മുഖമാസികയായ സ്റ്റുഡന്റിന്റെ ആദ്യഘട്ടത്തിൽ ജില്ലാ കമ്മിറ്റി ചേർത്ത 6000 വരിക്കാരുടെ തുകയും ലിസ്റ്റും സംസ്ഥാന പ്രസിഡന്റിന് കൈമാറി. സംസ്ഥാന കമ്മിറ്റി അംഗങ്ങളായ കെ വി അഭിജിത്, എം നവ്യ, മുൻ ജില്ലാ സെക്രട്ടറി പി ആർ രഘു എന്നിവർ സംസാരിച്ചു.
