രാത്രി പത്ത് മണിയ്ക്കു ശേഷം ആൾക്കൂട്ടമുണ്ടാകുന്ന ഒരു പരിപടിയും അനുവദിക്കില്ല. നിയന്ത്രണങ്ങൾ ദേവാലയങ്ങൾക്കും ബാധകമായിരിക്കും. 10 മണിയ്ക്കു തന്നെ അടയ്ക്കണമെന്ന് ഹോട്ടലുകൾക്കും ബാറുകൾക്കും ക്ലബുകൾക്കും നിര്ദേശം നല്‍കിയിട്ടുണ്ട്. ഇന്നലെയും സമാനമായ നിയന്ത്രണങ്ങൾ ഉണ്ടാകുമെന്ന് അറിയിച്ചിരുന്നെങ്കിലും പിഴ അടക്കമുള്ള ശിക്ഷാനടപടികളിൽ ഇളവു നൽകിയിരുന്നു. എന്നാൽ ഡിസംബ‍ര്‍ 31ന് രാത്രി ഈ ഇളവുകൾ ഉണ്ടാകില്ല. നിയന്ത്രണങ്ങൾ ഞായറാഴ്ച വരെ തുടരും.
Also Read:
അതേസമയം, പുതുവത്സരദിനത്തിൽ സര്ക്കാര് നിയന്ത്രണങ്ങൾ കടുപ്പിച്ചതോടെ സംസ്ഥാനത്ത് പലയിടത്തും ഹോട്ടലുകളുടെയും റിസോര്‍ട്ടുകളുടെയും നേതൃത്വത്തിൽ നടപ്പാക്കിയ പരിപാടികൾ റദ്ദാക്കി. ഹോട്ടലുകളിൽ പകുതിയിലധികം മുറികളും ഒഴിഞ്ഞു കിടക്കുകയാണെന്നും പല ടൂറിസ്റ്റുകളും ബുക്കിങ് റദ്ദാക്കിയെന്നും റിപ്പോര്‍ട്ടുണ്ട്. ലഹരിമരുന്ന് ഇടപാടുകൾക്ക് തടയിടാൻ പോലീസ് ആഴ്ചകളായി നടത്തി വരുന്ന പ്രവ‍ര്‍ത്തനങ്ങൾക്ക് പിന്നാലെയാണ് പുതുവത്സരദിനത്തിലെ നിയന്ത്രണങ്ങൾ.
Also Read:
രാത്രി പത്ത് മണിയോടെ ആൾക്കൂട്ടങ്ങൾ ഒഴിവാക്കണം എന്ന നിര്ദേശം വന്നതോടെ ഡിജെ പാര്‍ട്ടികൾ പലയിടത്തും റദ്ദാക്കി. ആഘോഷങ്ങൾക്ക് നിയന്ത്രണം ഏര്‍പ്പെടുത്താനായി സെക്ടറൽ മജിസ്ട്രേറ്റുമാരെ നിയമിച്ചിട്ടുണ്ട്. ക്ലബ്ബുകൾ, ബീച്ചുകൾ, ഷോപ്പിങ് മാളുകൾ തുടങ്ങിയ സ്ഥലങ്ങളിൽ കര്ശന നിരീക്ഷണം ഉണ്ടാകും. ഇതു സംബന്ധിച്ച് സര്ക്കാര് ഉത്തരവും ഇറങ്ങിയിട്ടുണ്ട്.
നിലവിൽ രാജ്യത്ത് ഏറ്റവുമധികം ഒമിക്രോൺ കേസുകൾ സ്ഥിരീകരിച്ച സംസ്ഥാനങ്ങളുടെ പട്ടികയിലാണ് കേരളത്തിൻ്റെ സ്ഥാനം. പുതുവത്സരത്തോട് അനുബന്ധിച്ച് വലിയ ആൾക്കൂട്ടങ്ങൾ ഒഴിവാക്കാൻ ജനുവരി രണ്ട് വരെ നാലു ദിവസത്തേയ്ക്കാണ് സര്ക്കാര് നിയന്ത്രണങ്ങൾ പ്രഖ്യാപിച്ചത്. പല സംസ്ഥാനങ്ങളും രാത്രി കര്‍ഫ്യൂവും നിരോധനാജ്ഞയും അടക്കമുള്ള നിയന്ത്രണങ്ങളിലേയ്ക്ക് കടന്ന സാഹചര്യത്തിലായിരുന്നു കേരള സര്ക്കാര് നടപടിയും.
രാത്രി പത്ത് മണി മുതൽ രാവിലെ അഞ്ച് മണി വരെയാണ് സംസ്ഥാനത്ത് രാത്രി കര്‍ഫ്യൂ. രാത്രി പത്ത് മണിയ്ക്കു ശേഷമുള്ള പുതുവത്സര ആഘോഷങ്ങൾ പാടേ ഒഴിവാക്കണമെന്നും നിയന്ത്രണമുള്ള ദിവസങ്ങളിൽ ബാറുകളിലും ഹോട്ടലുകളിലും പകുതി സീറ്റുകളിൽ മാത്രമേ ആളുകളെ അനുവദിക്കാവൂ എന്നുമാണ് മുഖ്യമന്ത്രിയുടെ ഓഫീസ് അറിയിച്ചിട്ടുള്ളത്.
