കൊല നടത്തി ഇതര സംസ്ഥാനങ്ങളിലേക്ക് കടക്കുന്നത് എസ്ഡിപിഐ രീതി; എഡിജിപി വിജയ് സാക്കറെ

കൊച്ചി: കൊലപാതകങ്ങൾക്ക് പിന്നാലെ മറ്റ് സംസ്ഥാനങ്ങളിലേക്ക് കടക്കുന്നത് എസ്ഡിപിഐയുടെ രീതിയാണെന്ന് എഡിജിപി . പാലക്കാടും ആലപ്പുഴയിലും നടത്തിയ കൊലപാതകങ്ങൾക്ക് പിന്നിൽ സംസ്ഥാനന്തര ഗൂഢാലോചനയുണ്ടെന്നും അദ്ദേഹം പറഞ്ഞു. വീണ്ടും രാഷ്ട്രീയ പകയും കൊലപാതകങ്ങളും തുടരാതിരിക്കാനുള്ള ജാഗ്രത തുടരുന്നുണ്ടെന്നെന്നും എഡിജിപി പറഞ്ഞു.

കൊല നടത്തിയ ശേഷം പ്രതികൾ മറ്റ് സംസ്ഥാനങ്ങളിലേക്ക് കടന്ന് വിദഗ്ധമായി ഒളിവിൽ കഴിയുകയാണ് രീതി. ആസൂത്രിതമായ കൊലപാതകികളുടെ നീക്കങ്ങള്‍ പോലീസ് തിരിച്ചറിഞ്ഞുവെങ്കിൽ തടയാമായിരുന്നു. എന്നാൽ ഒരു സൂചനയും ലഭിച്ചിരുന്നില്ലെന്നും എഡിജിപി പറഞ്ഞതായി ഏഷ്യാനെറ്റ് ന്യൂസ് റിപ്പോർട്ട് ചെയ്തു.

Also read :
ആലപ്പുഴയിലെയും പാലക്കാട്ടെയും ബിജെപി പ്രവർത്തകരുടെ കൊലപാതക കേസുകളിൽ മുഴുവൻ പ്രതികളെയും പിടികൂടാൻ പോലീസിന് കഴിഞ്ഞിട്ടില്ല. കൃത്യത്തിന് ശേഷം പ്രതികൾ മൊബൈൽ ഉപയോഗിക്കാത്തത് അന്വേഷണത്തെ പ്രതികൂലമായി ബാധിക്കുന്നുമുണ്ട്. പോലീസിനെതിരെ വിമർശനങ്ങൾ ഉയരുന്ന സാഹചര്യത്തിലാണ് എഡിജിപി പ്രതികരണവുമായി രംഗത്തെത്തിയത്.

സംഘടിത കുറ്റതൃത്യങ്ങൾ തടയാൻ തുടർച്ചയായ പരിശോധന ശക്തമാക്കുമെന്നും എഡിജിപി വ്യക്തമാക്കി. അതേസമയം കിഴക്കമ്പലത്ത് കഴിഞ്ഞദിവസം പോലീസിനെതിരെ നടന്ന ആക്രമണം പ്രത്യേക സംഭവമാണെന്നും വിജയ് സാക്കറെ പറഞ്ഞു, പോലീസിനെ കരുതിക്കൂട്ടി ആക്രമിച്ചതാണെന്ന് ഇതുവരെയുള്ള അന്വേഷണത്തിൽ നിന്ന് തെളിഞ്ഞിട്ടില്ലെന്നും അദ്ദേഹം കൂട്ടിച്ചേർത്തു.

Also Read :
കിഴക്കമ്പലത്തെ കിറ്റെക്സ് തൊഴിലാളികൾ പോലീസിനെ ആക്രമിച്ച സംഭവത്തിൽ പ്രധാന പ്രതികൾക്കായി പോലീസ് ഇന്ന് കസ്റ്റഡി അപേക്ഷ നൽകു൦.ഒ ന്ന് മുതൽ മൂന്ന് വരെയുള്ള പ്രതികൾ പതിനാലാം പ്രതി എന്നിവർക്ക് വേണ്ടിയാണ് കോലഞ്ചേരി കോടതിയിൽ പോലീസ് കസ്റ്റഡി അപേക്ഷ നൽകുക.