കൊടുങ്ങല്ലൂർ> കാറും ബൈക്കും കൂട്ടിയിടിച്ച് സിപിഐ എം ബ്രാഞ്ച് സെക്രട്ടറി മരിച്ചു. രണ്ട് പേർക്ക് പരിക്കേറ്റു. കോട്ടപ്പുറം ബ്രാഞ്ച് സെക്രട്ടറിയും കോട്ടപ്പുറം ചന്തയിലെ സി ഐ റ്റി യു തൊഴിലാളിയുമായ കുര്യാപിള്ളി മുജീബ് (41) ആണ് മരിച്ചത്. ഒപ്പമുണ്ടായിരുന്ന ഷെബീറിനും ഷെബീറിന്റെ മകൻ നാല് വയസുകാരനുമാണ് പരിക്ക് .
തലക്ക് പരിക്കു പറ്റിയ ഷെബീറിനെ വിദഗ്ധ ചികിത്സക്കായി ആസ്റ്റർ മെഡിസിറ്റിയിലേക്ക് കൊണ്ടുപോയി.
മുജീബിന്റെ മൃതശരീരം കൊടുങ്ങല്ലൂർ മെഡികെയർ ആശുപത്രിയിൽ. കൊടുങ്ങലൂർ പോലീസ് എത്തി നടപടികൾ സ്വീകരിച്ചു.പരേതനായ ബഷീറിന്റെ മകനാണ് മുജീബ്.
