കഴിഞ്ഞ ദിവസമാണ് നടനും സംവിധായകനുായ രഞ്ജിത്തിനെ ചലച്ചിത്ര അക്കാദമി ചെയര്‍മാനായും എം ജി ശ്രീകുമാറിനെ സംഗീതനാടക അക്കാദമി ചെയര്‍മാനായും നിയമിക്കാൻ സര്‍ക്കാര്‍ തീരുമാനിച്ചത്. എന്നാൽ വിവാദത്തിന്‍റെ സാഹചര്യത്തിൽ സര്‍ക്കാര്‍ തീരുമാനത്തിൽ വിശദീകരണവുമായി മന്ത്രി സജി ചെറിയാൻ രംഗത്തെത്തിയിട്ടുണ്ട്. നിയമനം സംബന്ധിച്ച തീരുമാനം അന്തിമമല്ലെന്നാണ് മന്ത്രി വിശദീകരിച്ചത്.
Also Read:
ഇടതുപക്ഷ സാംസ്കാരിക പ്രവര്‍ത്തകര്‍ അടക്കം തീരുമാനത്തിനെതിരെ രംഗത്തുണ്ടെന്നാണ് മാതൃഭൂമി റിപ്പോര്‍ട്ട്. നിയമസഭാ തെരഞ്ഞെടുപ്പിൽ അടക്കം ബിജെപി സ്ഥാനാര്‍ഥികള്‍ക്കു വേണ്ടി പ്രചാരണം നടത്തുകയും ബിജെപി വേദികളിൽ പല വട്ടം പ്രത്യക്ഷപ്പെടുകയും ചെയ്ത എം ജി ശ്രീകുമാറിനെ എന്തിനാണ് ചെയര്‍മാൻ സ്ഥാനത്തേയ്ക്ക് സിപിഎം തെരഞ്ഞെടുത്തത് എന്നാണ് പലരും ചോദിക്കുന്നത്. 2016ൽ വി മുരളീധരൻ കഴക്കൂട്ടം മണ്ഡലത്തിൽ നിന്ന് മത്സരിച്ചപ്പോള‍് അന്ന് ഫേസ്ബുക്ക് പേജ് ഉദ്ഘാടനം ചെയ്തത് എം ജി ശ്രീകുമാറായിരുന്നു. കഴക്കൂട്ടത്ത് താമര വിരിയുമെന്നു പറഞ്ഞു എം ജി ശ്രീകുമാര്‍ നടത്തിയ പ്രസംഗത്തിൻ്റെ വീഡിയോയും സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. എഴുത്തുകാരി ശാരദക്കുട്ടിയും കോൺഗ്രസ് എംഎൽഎ വിടി ബൽറാമും അടക്കമുള്ളവര്‍ സര്‍ക്കാര്‍ തീരുമാനത്തിനെതിരെ വിമര്‍ശനവുമായി രംഗത്തെത്തിയിട്ടുണ്ട്. മുൻ എംഎസ്എഫ് നേതാവ് ഫാത്തിമ തെഹ്ലിയ, സംവിധായകൻ ജിയോ ബേജി എന്നിവരും വിമര്‍ശനവുമായി രംഗത്തുണ്ട്.
Also Read:
തീരുമാനം പിൻവലിക്കണമെന്നാണ് പാര്ട്ടി അണികള്‍ വാട്സാപ്പ് ഗ്രൂപ്പുകളിൽ അടക്കം ആവശ്യപ്പെടുന്നത് എന്നാണ് ഏഷ്യാനെറ്റ് ന്യൂസ് റിപ്പോര്‍ട്ട്. ബിജെപിയ്ക്കു വേണ്ടി പ്രവര്‍ത്തിച്ചിട്ടും എൽഎഡിഎഫ് സര്‍ക്കാര്‍ നല്‍കുന്ന സ്ഥാനമാനങ്ങള്‍ ലഭിക്കുന്നത് ചില പ്രത്യേക പ്രിവിലേജുകള്‍ മൂലമാണെന്നാണ് വിമര്‍ശനം. സംഗീത നാടക അക്കാദമിയിലേയ്ക്ക് ബിജെപി നിലപാട് ഉള്ളവരെ നിയമിക്കുന്നത് ഇടതുപക്ഷത്തെ ശക്തിപ്പെടുത്താനാണോ എന്നായിരുന്നു വിടി ബൽറാമിൻ്റെ വിമര്‍ശനം. ചലച്ചിത്ര അക്കാദമിയിൽ സിപിഎം പ്രവര്‍ത്തകനെ നിയമിച്ചത് ഇടതുസ്വഭാവം നിലനിര്‍ത്താനാണെന്ന മുൻ ചെയര്‍മാൻ കമലിൻ്റെ വാക്കുകള്‍ ചൂണ്ടിക്കാട്ടിക്കൊണ്ടായിരുന്നു വിടി ബൽറാമിൻ്റെ വിമര്‍ശനം.
