യുടെ വാക്കുകൾ സത്യമാവുകയാണെങ്കിൽ 2022നും മനുഷ്യരാശിക്ക് അല്പം കടുപ്പമേറിയ വർഷം ആയിരിക്കും.
അതിന് ആരാണ് ബാബ വംഗ എന്നല്ലേ? വാൻജേലിയ ഗുഷ്ടെറോവ എന്ന് യഥാർത്ഥ പേരുള്ള ബാബ വംഗയ്ക്ക് ‘ബാൽക്കൺസിന്റെ നോസ്ട്രഡാമസ്’ എന്ന് പേരുണ്ടായിരുന്നു. 12-ാം വയസ്സിൽ ഒരു വലിയ കൊടുങ്കാറ്റിനിടെ ദുരൂഹമായി കാഴ്ച നഷ്ടപ്പെട്ടതിന് ശേഷം, ഭാവിയിൽ എന്ത് സംഭവിക്കും എന്ന് മുൻകൂട്ടി കാണാൻ ദൈവത്തിൽ നിന്ന് വളരെ അപൂർവമായ ഒരു സമ്മാനം തനിക്ക് ലഭിച്ചുവെന്നായിരുന്നു ബാബ വംഗയുടെ അവകാശവാദം. സോവിയറ്റ് യൂണിയന്റെ വിയോഗം, ഡയാന രാജകുമാരിയുടെ മരണം, ചെർണോബിൽ ദുരന്തം എന്നിവ കൃത്യമായി പ്രവചിച്ചു എന്നവകാശപ്പെടുന്ന ബാബ വംഗ 1996-ൽ തന്റെ 85-ാം വയസ്സിൽ മരിക്കുന്നതുവരെ പ്രവചിച്ചവയിൽ 85 ശതമാനവും നടന്നതായാണ് റിപ്പോർട്ടുകൾ. വരും വർഷങ്ങളിൽ എന്തൊക്കെ സംഭവിക്കും എന്നും ബാബ വംഗ മരണത്തിന് മുൻപേ പറഞ്ഞിട്ടുണ്ട്.
2022 എങ്ങനെ? ബാബ വംഗയുടെ പ്രവചങ്ങൾ
പ്രകൃതി ദുരന്തങ്ങൾ – 2022ൽ, നിരവധി ഏഷ്യൻ രാജ്യങ്ങളും ഓസ്‌ട്രേലിയയും ‘തീവ്രമായ വെള്ളപ്പൊക്കം’ അഭിമുഖീകരിക്കേണ്ടി വരും എന്നാണ് ബാബ വംഗയുടെ ഒരു പ്രവചനം.
മാരകമായ ഒരു പുതിയ വൈറസ് – കൊറോണ വൈറസിനെ പിടിച്ചു കെട്ടാൻ ലോകരാഷ്ട്രങ്ങൾ തീവ്രമായി ശ്രമിക്കുമ്പോൾ, സൈബീരിയയിൽ നിന്നും മറ്റൊരു മാരകമായ വൈറസ് ഗവേഷകരുടെ സംഘം കണ്ടെത്തുമെന്ന് ബാബ വംഗയുടെ പ്രവചനം.
കുടിവെള്ള പ്രതിസന്ധി – കഴിഞ്ഞ കുറച്ച് വർഷങ്ങളായി ജലക്ഷാമം ആശങ്കാജനകമായ ഒരു പ്രശ്നമായി മാറിയിട്ടുണ്ട്. 2022ൽ ഈ പ്രശ്നം രൂക്ഷമാകും എന്നും ലോകമെമ്പാടുമുള്ള പല നഗരങ്ങളും കുടിവെള്ള ക്ഷാമത്തിൽ ബുദ്ധിമുട്ടും എന്നും പ്രവചനം.
വെട്ടുക്കിളി ആക്രമണം – വെട്ടുക്കിളികളുടെ കൂട്ടം വിളകളെയും കൃഷിയിടങ്ങളെയും ആക്രമിക്കുമെന്നും ഇത് ഇന്ത്യയിൽ വലിയ ക്ഷാമം ഉണ്ടാക്കുമെന്നും എന്നുമാണ് മറ്റൊരു പ്രവചനം. കഴിഞ്ഞ വർഷം തന്നെ രാജസ്ഥാൻ, ഗുജറാത്ത്, മധ്യപ്രദേശ് എന്നീ സംസ്ഥാനങ്ങളിൽ വെട്ടുക്കിളികളുടെ വലിയ കൂട്ടം ആക്രമണം ഉണ്ടായിട്ടുണ്ട്. 2022ലും ആക്രമണം പ്രതീക്ഷിക്കണം.
വെർച്വൽ റിയാലിറ്റി – കഴിഞ്ഞ കുറച്ച് വർഷങ്ങളായി വെർച്വൽ റിയാലിറ്റിയുടെ ഉപയോഗം തീർച്ചയായും വർദ്ധിച്ചിട്ടുണ്ട്. എന്നാൽ 2022ൽ വെർച്വൽ റിയാലിറ്റി ലോകത്തിന്റെ ഗതി തന്നെ നിയന്ത്രിക്കുക വർഷമാവും 2022 എന്നാണ് മറ്റൊരു പ്രവചനം.
അന്യഗ്രഹ ആക്രമണം – ‘ഔമുവാമുവ’ എന്നറിയപ്പെടുന്ന ഒരു ഛിന്നഗ്രഹം ഭൂമിയിലെ ജീവൻ അന്വേഷിക്കാൻ 2022ൽ അന്യഗ്രഹജീവികളെ അയയ്ക്കുമെന്ന് വംഗ പറഞ്ഞിട്ടുണ്ട്.
മേല്പറഞ്ഞവ കൂടാതെ 2028 ഓടെ ലോകത്ത് പട്ടിണി അവസാനിക്കുമെന്നും, 2341 ഓടെ ഭൂമി വാസയോഗ്യമല്ലാതാകുമെന്നും പ്രവചനമുണ്ട്. ബാബ വംഗയുടെ പ്രവചനം അനുസരിച്ച് 5079-ൽ ലോകാവസാനം സംഭവിക്കും.
