ആലുവ> ആലുവയില് വന് ലഹരിമരുന്നു വേട്ട. ഏകദേശം മൂന്നു കോടി വിലവരുന്ന 3 കിലോ എംഡിഎംഎയാണ് എക്സൈസ് ഇന്റലിജന്സ് പിടികൂടിയത്. പാനിപ്പൂരി, ഫ്രൂട്ട് ജ്യൂസ് പാക്കറ്റുകളിലാക്കി കടത്തിക്കൊണ്ടുവരികയായിരുന്ന എംഡിഎം എ ആലുവ റെയില്വേ സ്റ്റേഷനു മുന്നില്വെച്ചാണ് പിടിച്ചത്.
കൊടുങ്ങല്ലൂര് സ്വദേശികളായ സൈനുലാബുദീന് (23), രാഹുല് സുഭാഷ് (27)
എന്നിവരെ കസ്റ്റഡിയിലെടുത്തു. രാവിലെ എട്ടിനായിരുന്നു സംഭവം. മംഗള- ലക്ഷദ്വീപ് എക്സ്പ്രസ് ട്രെയിനില് ഡല്ഹിയില്നിന്നു കൊണ്ടുവരികയായിരുന്ന ലഹരിയാണ് പിടിച്ചെടുത്തത്. ഇവര് ലഹരി ഇടപാട് നടത്തുന്നതായി അന്വേഷണ സംഘത്തിനു വിവരം ലഭിച്ചിരുന്നു.
ഇതേ തുടര്ന്ന് നിരീക്ഷിച്ചുവരുന്നതിനിടെയാണ് പിടിയിലായത്. പ്രതികളിലൊരാളായ രാഹുല് സുഭാഷ് ഹാമര് ത്രോയില് മുന് ദേശീയ ചാമ്പ്യന് ആയിരുന്നു.
