ആലപ്പുഴ> മണ്ണഞ്ചേരിയിൽ എസ്ഡിപിഐ നേതാവ് ഷാൻ വധക്കേസിൽ നിർണായക തെളിവ് പൊലീസിന് ലഭിച്ചു. കൊലയ്ക്ക് ഉപയോഗിച്ച അഞ്ച് വടിവാൾ ചേർത്തല അരീപ്പറമ്പ് പുല്ലംകുളത്തിന് സമീപം കുറ്റിക്കാട്ടിൽ നിന്ന് അന്വേഷക സംഘം കണ്ടെടുത്തു.
കേസിലെ പ്രതിയുമായി ശനിയാഴ്ച വൈകിട്ട് ആറോടെ എത്തിയാണ് തെളിവെടുപ്പ് നടത്തിയത്. ആയുധം ഒളിപ്പിച്ചയിടം പ്രതി പൊലീസിന് കാട്ടിക്കൊടുക്കുകയായിരുന്നു. ആർ എസ്എസ് ശാഖ നടത്തുന്ന സ്ഥലത്തോട് ചേർന്നാണ് ആയുധം ഒളിപ്പിച്ചത്.
