കൊച്ചി: മർദനക്കേസിൽ ജാമ്യത്തിലിറങ്ങിയ ശേഷം പോലീസിനെ വെല്ലുവിളിച്ച് വീഡിയോ തയ്യാറാക്കിയവർ പിടിയിൽ. എറണാകുളം തൃക്കാക്കര പോലീസാണ് ഇവരെ കസ്റ്റഡിയിൽ എടുത്തത്.
യുവാവിനെ മർദിച്ച കേസിലാണ് ഏതാനും പേരെതൃക്കാക്കര പോലീസ് കഴിഞ്ഞദിവസം അറസ്റ്റ് ചെയ്തത്. ഇതുമായി ബന്ധപ്പെട്ട ജാമ്യ നടപടികൾ പുരോഗമിക്കുന്നതിനിടെയാണ്സ്റ്റേഷനിൽനിന്ന് പുറത്തേക്ക് ഇറങ്ങിവരുന്നതും മറ്റുമുള്ള ദൃശ്യങ്ങൾ ഉപയോഗിച്ച് വീഡിയോ ചിത്രീകരിച്ചത്. പശ്ചാത്തലത്തിൽ സിനിമാസംഭാഷണവുമുണ്ടായിരുന്നു. ശേഷം ഈ വീഡിയോ ഇവർ സ്റ്റാറ്റസ് ആക്കുകയും ചെയ്തു.
ഈ വിവരം സ്പെഷ്യൽ ബ്രാഞ്ച്റിപ്പോർട്ട് ചെയ്തു.ഇതിനു പിന്നാലെയാണ് പോലീസ് നടപടികളിലേക്ക് കടക്കുകയും ഇവർക്കെതിരെ മറ്റൊരു കേസ് കൂടി രജിസ്റ്റർ ചെയ്യുകയും ചെയ്തത്. മർദനക്കേസിൽ പ്രതികളായവരും വീഡിയോ ഷെയർ ചെയ്തവർക്കും സ്റ്റാറ്റസ് ആക്കിയവർക്കും എതിരെയാണ് പോലീസ് നടപടി എടുത്തിരിക്കുന്നത്. കേസുമായി ബന്ധപ്പെട്ട് നാലുപേരെ കസ്റ്റഡിയിൽ എടുത്തിട്ടുണ്ടെന്ന് പോലീസ് അറിയിച്ചു.
content highlights:four person taken into custody for creating video after getting bail from attack case
