പുതിയ നേതൃത്വം വന്ന് പാർട്ടിയെ സെമി കേഡറിലേക്ക് നയിക്കുന്നതിന് മുമ്പ് തന്നെ, തന്‍റെ ഓഫീസിൽ കേഡർ വ്യവസ്ഥ നടപ്പിലാക്കിയ നേതാവാണ് പി ടി തോമസ്. അച്ചടക്കത്തിലും പെുരുമാറ്റച്ചട്ടത്തിലും ഒരു വിട്ടുവീഴ്ചയും അനുവദിക്കാതെയാണ് അദ്ദേഹത്തിന്‍റെ എംഎൽഎ ഓഫീസ് പ്രവർത്തിച്ചിരുന്നത്. ഡ്രൈവറെയും പിഎയും ഉൾപ്പെടുന്ന സംഘത്തെ തന്നോട് ചേർത്ത് പിടിച്ച് മുന്നോട്ട് പോയ നേതാവാണ് അപ്രതീക്ഷിതമായി വിടപറഞ്ഞത്.
Also Read :
ജീവനക്കാർക്ക് കൃത്യമായ പ്രവർത്തന മാർഗരേഖ പി ടി നൽകിയിരുന്നെന്നാണ് മനോരമ ന്യൂസ് റിപ്പോർട്ട് ചെയ്യുന്നത്. ഓഫീസിന്‍റെ ചുമതല ഒരാൾക്കും, എംഎൽഎ ഓഫീസുമായി ബന്ധപ്പെട്ട സർക്കാർ ഓഫീസുകളിലെ ഫയലുകളുടെ ചുമതല മറ്റൊരാൾക്കും നിൽകിയായിരുന്നു പ്രവർത്തനം. മറ്റ് രണ്ടു പേരിലൊരാൾ എപ്പോഴും കാറിലുണ്ടാവുകയും ചെയ്യും.
യാത്രവേളയിൽ എത്ര വലിയ നേതാക്കളുണ്ടെങ്കിലും ഡ്രൈവറും പിഎയും തനിക്കൊപ്പം ഇരുന്ന് ഭക്ഷണം കഴിക്കണമെന്നത് പി ടിയ്ക്ക് നിർബന്ധമായിരുന്നു. കെഎക്സ് ജോസഫ്, ലിജോ ജോസ്, ജെർജസ് ജേക്കബ്, ഷാലു വിൻസന്‍റ്, ജെനീഷ്, രാജേഷ് തുടങ്ങിയവരാണ് എംഎൽഎ ഓഫീസിലെ ജീവനക്കാർ. ജോസഫിനായിരുന്നു ഓഫിസിന്‍റെ മേൽനോട്ട ചുമതലയെന്നും റിപ്പോർട്ട് പറയുന്നു.
Also Read :
കെപിസിസി വർക്കിംഗ് പ്രസിഡന്‍റും തൃക്കാക്കര എംഎൽഎയുമായിരുന്ന ഡിസംബര്‍ 22 രാവിലെ 10.15 ഓടെയാണ് അന്തരിച്ചത്. അർബുദരോഗബാധിതനായി തമിഴ്നാട്ടിലെ വെല്ലൂരില്‍ ചികിത്സയിലായിരുന്നു അദ്ദേഹം. നാല് തവണ എംഎൽഎയും ഒരു തവണ എംപിയുമായിരുന്നു പി ടി.
