കോർപ്പറേഷനിലെ പ്രതിപക്ഷ നേതാവിന്റെ നേതൃത്വത്തിൽ കേക്ക് മുറിച്ചായിരുന്നു ആഘോഷമെന്നാണ് റിപ്പോർട്ട്. പി ടിയുടെ മരണത്തിൽ ദുഃഖം ആചരിക്കുന്നതിനിടെയാണ് കോൺഗ്രസ് നേതാക്കളുടെ ആഘോഷവും നടന്നത്. ഇത് വിവാദമായതോടെയാണ് കെപിസിസി ഡിസിസിയോട് വിശദീകരണം തേടിയത്.
Also Read :
അന്തരിച്ച പി ടി തോമസിനോടുള്ള ആദരസൂചകമായി പലയിടത്തും ക്രിസ്മസ് ആഘോഷങ്ങൾ ഒഴിവാക്കുകയും മാറ്റിവയ്ക്കുകയും ചെയ്തിരുന്നു ഇതിനിടെയാണ് തൃശൂർ കോർപ്പറേഷനിലെ വിവാദം. കഴിഞ്ഞദിവസം ദുഃഖാചരണത്തിനിടെ കാക്കനാട് സിവിൽ സ്റ്റേഷൻ ജീവനക്കാർ ക്രിസ്മസ് ആഘോഷം സംഘടിപ്പിച്ചതും വിവാദമായിരുന്നു. കാക്കനാട് സിവിൽ സ്റ്റേഷനിലെ ജില്ലാ ട്രഷറി ജീവനക്കാർ സംഘടിപ്പിച്ച ആഘോഷ സ്ഥലത്തേക്ക് കോൺഗ്രസ് നേതാക്കൾ പ്രതിഷേധവുമായി എത്തിയിരുന്നു. ഇതോടെ ആഘോഷം നിർത്തിവയ്ക്കുകയും ചെയ്തു.
കളക്ട്രേറ്റ് സ്റ്റാഫ് കൗണ്സിലിന്റെ ക്രിസ്തുമസ് ആഘോഷം അടുത്ത ആഴ്ചയിലേക്ക് മാറ്റി വച്ചിരുന്നു. ഈ സമയത്ത് ട്രഷറി ജീവനക്കാർ ആഘോഷവുമായി മുന്നോട്ട് പോയതാണ് വിവാദമായത്. കരോളും ഗാനമേളയും ഉൾപ്പെടെ ജില്ലാ ട്രഷറിയുടെ ഭാഗമായി പ്രവർത്തിക്കുന്ന മറ്റൊരു ഓഫീസിനുള്ളിലായിരുന്നു ആഘോഷം. ഇതിനിടെയാണ് പരിപാടി നടക്കുന്നതറിഞ്ഞ് തൃക്കാക്കര കോൺഗ്രസ് മണ്ഡലം പ്രസിഡന്റിന്റെ നേതൃത്വത്തിൽ നേതാക്കളെത്തി പ്രതിഷേധം അറിയിച്ചത്.
Also Read :
ദുഃഖാചരണത്തിനിടെ ക്രിസ്മസ് ആഘോഷം സംഘടിപ്പിച്ചതിനെതിരേ കളക്ടർക്ക് പരാതി നൽകുമെന്ന് എൻ ജി ഒ അസോസിയേഷനും പ്രതികരിച്ചിരുന്നു. ഇതിനിടെയാണ് തൃശൂർ കോർപ്പറേഷനിലെ കോൺഗ്രസ് കൗൺസിലർമാരുടെ നടപടിയും വിവാദത്തിലകപ്പെട്ടത്.
