ആലപ്പുഴ > ആലപ്പുഴയിൽ കൊലപാതകങ്ങൾ നടത്തിയ ബിജെപിയുടെയൊ എസ്ഡിപിഐയുടെയോ പേരുപോലും പരാമർശിക്കാതെ രമേശ് ചെന്നിത്തല എംഎൽഎയുടെ പത്രസമ്മേളനം. ആലപ്പുഴയിലെ കൊലപാതകങ്ങൾ എന്നുമാത്രമായിരുന്നു പത്രസമ്മേളനത്തിൽ ഉടനീളം അദ്ദേഹത്തിന്റെ പരാമർശം. യഥാർഥപ്രതികളെ ഇതുവരെ അറസ്റ്റുചെയ്യാനായിട്ടില്ലെന്ന് അദ്ദേഹം പറഞ്ഞു.
ഇപ്പോൾ അറസ്റ്റിലായവരൊന്നും യഥാർഥപ്രതികളല്ലെന്നാണോ പറയുന്നത് എന്ന ചോദ്യത്തിന് അതു പറയേണ്ടത് പൊലീസാണെന്നായിരുന്നു മറുപടി. സർവകക്ഷിയോഗം വിജയമായിരുന്നു. നിലവിലുള്ള അന്വേഷണസംഘത്തെ മാറ്റേണ്ട കാര്യമില്ല. എൻഐഎ വരേണ്ട ആവശ്യവുമില്ലെന്നും അദ്ദേഹം പറഞ്ഞു.
ജീവകാരുണ്യത്തിന്റെ മറവിൽ ആംബുലൻസുകൾ വർഗ്ഗീയ ശക്തികൾ കൊലപാതകത്തിന് ഉപയോഗിക്കുന്നതിനെപ്പറ്റിയുള്ള ചോദ്യത്തിന് സന്നദ്ധസംഘടനകളെല്ലാം ആംബുലൻസ് സർവീസ് സ്വന്തമായി നടത്താതെ സർക്കാരിനു നൽകുകയാണു വേണ്ടതെന്നായിരുന്നു മറുപടി.
