Also Read :
പുതിയ രീതി നിലവിൽ നടപ്പാക്കാനാവില്ലെന്ന് ആർച്ച് ബിഷപ്പ് ആന്റണി കരിയൽ അറിയിച്ചു. വത്തിക്കാൻ എറണാകുളം അങ്കമാലി അതിരൂപതയ്ക്ക് ഇക്കാര്യത്തിൽ ഇളവ് നൽകിയിട്ടുണ്ടെന്നും ആന്റണി കരിയൽ അവകാശപ്പെട്ടു. ഇക്കാര്യങ്ങൾ ചൂണ്ടിക്കാണിച്ച് സിനഡ് മെത്രാന്മാർക്ക് ബിഷപ്പ് കത്തയച്ചു.
പുതുക്കിയ കുർബാന സമ്പ്രദായം അടിച്ചേൽപ്പിച്ചാൽ സംഘർഷം ഉണ്ടാകാനുള്ള സാധ്യതയുണ്ട്. കനോൻ നിയമപ്രകാരമുള്ള ഇളവ് നിലനിൽക്കുന്നതിനാൽ പഴയ രീതി തന്നെ തുടരും എന്നും കത്തിൽ ബിഷപ്പ് പറയുന്നു.
Also Read :
നേരത്തെ ക്രിസ്മസ് കുർബാനകൾ പുതിയ രീതിയിൽ നടത്തണം എന്നാവശ്യപ്പെട്ട് കർദ്ദിനാൾ ആലഞ്ചേരി നിർദ്ദേശിച്ചിരുന്നു. സിറോ മലബാർ സഭയിലെ എല്ലാ മെത്രാൻമാരും സിനഡ് തീരുമാനപ്രകാരമുള്ള ഏകീകൃത കുർബാന അർപ്പിക്കണമെന്ന കർശന നിർദ്ദേശത്തോടെ കർദിനാൾ സർക്കുലറിൽ വ്യക്തമാക്കിയിരുന്നു. ഈസ്റ്ററിന് മുൻപായി സഭയിലൊട്ടാകെ ഏകീകൃത കുർബാന നടപ്പാക്കുമെന്നായിരുന്നു കർദ്ദിനാൾ ആലഞ്ചേരിയുടെ പ്രതികരണം.
ഇതിനുള്ള മറുപടിയിൽ ആണ് ബിഷപ്പ് ഇക്കാര്യം വ്യക്തമാക്കിയത്. എറണാകുളം – അങ്കമാലി അതിരൂപതയിലെത്തുന്ന മെത്രാന്മാർക്ക് അതിന് ആവശ്യമായ സൗകര്യമൊരുക്കണമെന്ന് രൂപതാ അധ്യക്ഷൻ മാർ ആന്റണി കരിയിലിന് നിർദ്ദേശവും നൽകിയിരുന്നു.
Also Read :
നിലവിൽ ഏകീകൃത കുർബാന അർപ്പിക്കുന്നതിൽ നിന്നും എറണാകുളം അങ്കമാലി അതിരൂപതയിലെ പുരോഹിതർക്ക് മാത്രമേ ഇളവുകൾ അനുവദിച്ചിട്ടുള്ളു. അതേസമയം, ഈ ഇളവുകൾ കാരണം മറ്റ് സ്ഥലങ്ങളിലെ മെത്രാൻമാരും പുരോഹിതരും എറണാകുളം അങ്കമാലി അതിരൂപതയിൽ എത്തിയാലും ഏകീകൃത കുർബാന അർപ്പിക്കാൻ സാധിച്ചിരുന്നില്ല. ഈ സാഹചര്യത്തിലാണ് കർദ്ദിനാൾ പുതിയ സർക്കുലർ പുറത്തിറക്കിയത്.
